ياحياتي اصحي تفكري تفرطي في بنتك واحمدي ربك الف مرة انها معاك البنت ماهي مثل الولد بنخاف عليها خاصة في هذا السن كله حب اكتشاف عندهم حافظي عليها بنتي في سنها بتدرس اولى هادئة في الفصل ومؤدبة وفي البيت عناد ودوم معصبة وبالقوة تسوي كل شئ وتعبتني بس دائما ادعي لها اوقات الاجابة بان الله يهدي سرها ويرزقني برها الاطفال صعبة جدا تربيتهم تحملي ولا ليه الجنة تحت اقدام الامهات صدقيني احيانا من شدة التعب ودي ابكي واقول في نفسي يارب لايكون تقصيرنا معاك هو السبب استغفر الله العظيم

بنتك تعاني من فقد ابوها ممكن مايوضح عليها الا بالعناد انتي تعرفين انه طفله وتعرف وش معنى زواج الام يعني في رجال ثاني غير بابا بحياة ماما وتحبه اكثر منا وزي هالكلام بداخلها ترجمتها بالعناد والعنف والرد احتواك لها اشد ماتحتاجه وطولي باللك الله يحفظها

معليش حبيبتي وش تتوقعين منها يعني

امها وابوها منفصلين وكل واحد متزوج وش تتوقعين منها يعني
المفروض انك تراعين نفسيتها مو تقولين اوديها ل ابوها

ترا ان الوحده تعيش بدون اب وتشوف البنات مع اباءهم مبسوطين او مع نصف ام لانك اكيد مشغوله بزوجك مو شي سهل عليها
بنتك تعاني وانتي موحاسه
احتويها اكسبيها خليك لها الام الاخت الاب الصديقه
لاتخلينها تحس بالنقص

بنتك تعاني نفسيا وهذا ردة فعل لااراديه منها

يمكن تعاني فقد الاب او تشوف البنات عايشين مع الام والاب واكيد انها تفتقد ابوها

وزوجك مهما عمل الله يجزاه خير ماراح يكون مثل ابوها

وديها معالجه سلوكيه تقوم سلوكها وتقعد معاها وتعرف اسباب اللي تسويه

اسالك بالله لاتضربينها ترا تزيد مع الضرب

وعليك بسهام الليل ادعي لها وادعي لنفسك بالصبر

لاتنسين تودينها لمعالجه سلوكيه وديها قبل لاتزيد حالتها

الله يحفظها لك ويصلحها لنفسها ولك ويفرح قلبك بها وتشوفيها عروسه

انتي مش قادرة تتحمليها
وتبي ابوها اللي مايشوفها ولا قد عاش معها
يتحملها
بنتك تقلد اللي تسمعه
حاولوا تاخذوا بالكم من كلامكم امامها
وشوية شوية هتبطل
ربي يعينك