Remsh :

هههههههههههههههههههههههههههههههه انتو كمان زيي؟؟؟ انا ولدي عمره سنتين وشهر .. وبدأت معاه تعليم الحمام من اسبوع ومن يوم ما شلح الحفاضة وهو مرجوج رجة غير شكل ويضرب ويعض ويعصب قلك ويززززززززعل!!! مع انه كان اليف جدا سبحان الله اخت زوجي قالت لي ترى هو الان ينتقل الى مرحلة عمرية مختلفة ولازم تتعاملي معاها حسب ظروفها وقالت لي عندها شريط يتكلم عن المراحل العمرية لحد الست سنوات وكيف يتعامل الواحد معاها... ان شاء الله اذا جابت لي ياه لازم اسمعه وافيدكم لاني في معانااااااااااااااااه زيكم تماما بس اللي لاحظته انه لاااااااااااتعصبو وتضربو لانهم بيزيدووووووووو وتتازم الامور وحيكبروا وهمه بالعصبية اللي بتشوفوهم عليها حاولو تشتتو الانتباه لشي يحبوه... يعني ابني على طول اول ما يبدأ العناد والهبل والعصبية اقوله تعال نشوف براعم ايش فيها؟؟ يمكن جات ريحانة!! (هو يمووووووووووت في ريحانة) وللا تعال نحط كريم كراميل اكل انا وياك... ولو ماكل من فترة وقرب يجوع اقوله تعال نجيب ننا ناكل سوا؟؟ وللا نجيب خوخ او عصير مانجا نشرب سوا... على طووووووووول يترك اللي في ايده ويترك العناد ويتجاوب انا قلت لاهل زوجي ابني جاله وشش ورجة وهبل ما ادري من وين صارو يضحكو علي الحمدلله مو لوحدي... طمنتوني اني انا وابني طبيعيين وفي زينا على كوكب الارض خخخخخخخخخخخخخ

هههههههههههههههههههههههههههههههه انتو كمان زيي؟؟؟ انا ولدي عمره سنتين وشهر .. وبدأت معاه تعليم...