السلام عليكم ورحمة الله وبركاته
بنتي جننتني مو راضيه تروح المدرسه لوحدها والمشكله اني اروح معاها كل يوم ولاترضى تدخل الفصل
واقفين انا وياها عند الباب اقنع فيها واحاول تدخل اقولها بنتظرك عند الباب ماني رايحه ماتقتنع اقولها بزعل
عليك والابله كمان زعلانه تقول احسن بس واقفه الباب تتفرج ودها تدخل وخايفه تحب التلوين تقولها الابله
ادخلي لوني واعطيك هديه تدخل تلون وتطلع ع طول وعينها ع الباب ليكون رحت معاها كم وحده نفس الحاله
وحده امها دخلتها الفصل وراحت جلست البنت تبكي بدين استسلمت ودخلت مع البنات ووحده ثانيه جت اليوم
الثاني من غير امها وع طول دخلت وعادي عكس لما تكون امها معاها مدري كيف اقتنعت اتفقت مع المدرسه
ودخلت بنتي ورحت عنها وشوي الا اسمع صراخها بغت تتجنن ومارضت تسكت حتى المدرسات عجزوا يسكتونها
مع اني من الصبح وانا المح لها اقول لها برضع اخوك وارجع بسرعه وتقولي لا
قالت لي الفراشه خذي بنتك لا تنفجع مادروا عنها اذا مانفع خليها السنه الجايه لاتنفجع البنت يعني اللي تخرجوا وش سووا
طفشت مره ثاني اسبوع وموراضيه تتعود البنات ما شاءالله كلهم عادي الا هي
حتى اللي مايبون جوا الفصول وزعلانين بس ما سووا مثل بنتي قلت لها وش هالدراسه نروح بس نجلس انا وياك برا
وش الفايده واجلس امدح لها فلانه وفلانه ماهمها عادي عندها عمرها ما شاء الله 6 ونص والبنات اصغر منها
واخاف تتاخر عليها سنه المشكله ماودي اسحبها بقوه او اضربها قدام الطالبات والمدرسات بتجلس تصرخ
اتوقع بتقولون مدلعتها هذي اول بنت لي ومعاملتها مثل اخوها بالتمام وانا في البيت وقت الدلع دلع ووقت الجد جد
لما يغلطون ينضربون بس المشكله طلعاتنا قليله وما فيه احد قريب منا كل مشوار اروحه لو مستشفى تمشي معي
تعودت انها معي على طول حتى اخوها بس هو عادي نروح المدرسه مايقول شي ولا يقول بروح معاكم
بنتي من النوع اللي تحب تتعرف ع البنات وتلعب عادي حتى لو ماتعرفهم وفي المدرسه ما شاء الله تلفها كلها لوحدها
وتروح تشتري وحدها ولا سالت عني بس تقول الفصل لا ادخله مع ابلتها مره طيبه وحبوبه وكل شوي تعطيها
هديه بس عجزت معاها وش الحل ابوها يقول خلاص خليها هالسنه وانا افكر ادخلها الترم الثاني الروضه هي واخوها
عشان تختلط والسنه الجايه ماتجنني وقررت اني ما عاد اخذها ولا مشوار غلطتي اني ما دخلتها العام روضه كنت حامل
وتعبانه
طولت عليكم بس عجزت ابي حل وش اسووي كيف اتصرف مره تعبت نفسيا وجسديا ارهاق وتعب
وكل شي تلخبط
اللي ما عندها حل تدعي لي بتيسير اموري:icon33:
يلزم عليك تسجيل الدخول أولًا لكتابة تعليق.
اسرار العناد2008
•
الله يسر امورك يارب
زائرة
•
كلميها بهدوء وانزلي لمستوى طولها ومصيرها بتتعود لاتشيلي هم
زائرة :
كلميها بهدوء وانزلي لمستوى طولها ومصيرها بتتعود لاتشيلي همكلميها بهدوء وانزلي لمستوى طولها ومصيرها بتتعود لاتشيلي هم
جربت كل الطرق معاها قلت لها بسوي لك حفله واعزم بنات خالاتك لانها تحبهم مره هم في جده وحنا بمكه
بس نتقابل في الشهر مره او مرتين
وبجيب لك الالعاب اللي تحبينها تقتنع لارحنا المدرسه ترجع مثل ما كانت
المشكله البنات بدوا دراسه ماعاد فيه وقت للدلع
بس نتقابل في الشهر مره او مرتين
وبجيب لك الالعاب اللي تحبينها تقتنع لارحنا المدرسه ترجع مثل ما كانت
المشكله البنات بدوا دراسه ماعاد فيه وقت للدلع
الصفحة الأخيرة