بنتي حبيبتي تبحث عن رضانا باستمرار

اشكر اختي شبح المشاعر على اعارتي المعرف عشان افضفض لكم


يا بنات انا عندي بنت عمرها 3سنوات وثمان شهور
البنوته تقطع القلب من أدبها وسماعها للكلام
يعني ماتبي احد يزعل عليها
ولا تبي ترفض طلب احد
حتى اذا لعبت مع الأطفال تدور رضااااهم وتتحملهم أهم شيء لاتزعلون
بنت جيراننا تجينا بين فتره وفتره وشقيييه جدا بنتي دايم تسألها حنا أصدقاء؟
يعني انت راضيه علي مو زعلانه
والطامه بنت الجيران تقولها لا انت وع
بنتي كلمه وع عندها شيء كبير يهز ثقتها بنفسها وتجي مفجوعه تسألني انا يا ماما وععع؟؟؟؟؟؟
نفس الكلام ولد صديقتي في عمرها وكثير يجتمعون يقولها انا ابصفق وانت نفذي وهي تشقق ياعمري هماه معطيها وجه وراضي عليها خلاص يامر باللي يبي

والله انها تقطع قلبي ما ابيها كذا ابدا ابدا
كنت اقول تكبر وتتعلم
بس اذا راقبتها انقهررررر
مع انها الامر والناهي بالبيت حتى عند اهلي هي الكل بالكل يموتووووون عليها
بس مدري لي بحث عن رضا الجميع وتخاف احد يزعل عليها



ونفس الكلام انا الحين ادربها عالحمام اذا بالت على نفسها اسالها لييييه
تقول ماما اسف اسف
اقول انت شاطره يمكن نسيتي
واذا ذكرتها بالحمام وقلت لا تسوين على ملابسك يضيق صدرررها ماما لا تقولين ايوي على ملابسي

والله ان الشيء اللي يضايقها على طووووول اوقفه من رقتها وحساسيتها
اذا نامت بس ازعجها بالتبويس والخم احس متعبني طيبتها الزايده
ودي تصير عنيده ومالها الا رايها وكذا
مع ان كلم من شافها قال لي بنت مؤدبببه وحتى العابها تناديهم يلعبون معها يعني مستغربين هالشيء


الله يصلحها واخوانها وذراريكم يا رب