أسطورة الليلك @astor_allylk

كبيرة محررات

بنتي حبيبتي مشتاقه لشوفتك

بنتي وحبيبتي واقرب وحده لقلبي من بين اخوانها اقدر اتحمل بعدهم عني بس هي لاااا ما اتحمل انام ليله بدونها ما انسى ابدا ليله كانت نايمه وشلتها باوديها سريرها وهي في عز النومه ضمتني بقوه وقبلة عنقي كانت جدا مرحه وتحب اللعب كثيرا ومشاكسه كل من شافها حبها كانت حللللوه واحلا ما فيه شعرها ولا تقولون انتي مفرقه بين عيالك في الحب السبب انها من ولادتها كان عندها تشوه في الاقدام عانت منه كثيرا الي ان من الله عليها بالشفاء لكن قضاء الله مامنه مرد والحمد لله على كل شيء وصل عمرها سبع سنوات بعده حبيبتي بداءت تذبل قدام عيني ما عاد لعبت كثير ماعاد اكلت زي اول كل ما اكلت على طول ترجع صارت بس نايمه بس ما اشتكت من اي شيء يألمها والغريب انها ماكانت تبكي درانا كل المستشفيات الكبيره والصغيره كلهم يقولون مافيها شيء التعب بس من الترجيع ما خلينا حتى الطب الشعبي وكثير قالوا عين كنا نقراء عليها القران كل يوم انا اقراء وابوها يقراء والشيوخ بس القدر فوق كل شيء وفي الاخير اختلفت عيونها وصارت تعرج قلبي يتقطع عليها مادري وش اسوي وما بيدي شيء احسها بعععععيده عنا بس مسرحه وما تتجاوب معانا ابدا جاء عيد الفطر بس ماله اي طعم وبنتي بذي الحاله البسها ثياب العيد وهي ابد ماهي حاسه فيني وييين اول كنت لما اقيس عليها اي فستان بالقوه انزله من عليها تطييير من الفرحه تدووور وتلعب تمثل انها عروسه وتمسك ورد والحين حتى بسمه ما فيه آآآآه يقلبي يتقطع عليها بعد العيد رحنا مستشفى حكومي كبير ومن بس شافوها نوموها ومن ثاني يوم جانا الخبر الصاعقه {ورم كبيير في المخ} قال الطبيب انه لا يمكن انه بكبره هذا انه تكون في سنه توقعوا ان بدايته منذ الولاده لكن الي فاجأهم انه كان لها اشاعه مقطعيه قبل سنه بس ولا كان فيها اي شيء حتى لو نقطه بسيطه جدا يتوقعون انها كانت بدايته وكانوا جدا منذهلين من كبره و كنت انا وابوها في دوامه ماندري وش نسوي قالوا لازم ضروري عمليه وحالتها ما تسمح بخروجها من المشفى وكثرت عرضها على المستشفيات الاخرى وقالو حياتها متعلقه بقراركم كل ما تاخر العمليه زادت سوءا لان الورم في مكان خطير ياثر على القلب والتنفس والجهه اليسار من الجسم والدليل انها بداءت تنشل الجهه اليسرى وحالتها جدا حرجه وحنا في حيره شديده ان بطلنا خفنا نفقدها ون وقعنا برضه نخاف ماتطلع من العمليه وقعنا على مضض وقلنا الخيره فيما اختاره الله سوت حبيبتي العمليه وخرج الدكتور من الغرفه بعد مضي 7 ساعات كانها سبع سنوات وقال لابوها ادعوا لها ما قدرنا ناخذ الا عينه بسييطه جدا ما تذكر وما قدرنا نسوي شيء نزفت بقوه وانفجعوا من كبره على الطبيعه يقول شيء ما تخيلناه ابدا كان ورم خبيث ونشيط جدا يتدفق له الدم بكثره وهذا الي كان يخليه يكبر بسرعه بس انا ما قالوا لي كل ذا الكلام طمنوني وقالو مسالت وقت وتفيق من البنج دخلت عليها العنايه المركزه وهالني منضر كثرت الاجهزه على جسدها الصغير وبكيت لمن شفت راسها محلق كيف اعطتهم انفسهم يحلقون شعر مثل شعرها ومن بعدها ولمدة شهرين ما قالتلي كلمه وحده ولا فاقت ابدا كل يوم ازورها مرتين مره ابكي ومره يكون عندي امل تتحسن والي كان معذبني انها كانت فاقده الوعي بس تحس فينا اول ما ندخل عليها ونكلمها ونغني لها اناشيدها الي تحبها ترتفع نبضات قلبها مره واذا سكتنا تهدء بعد الشهرين حولوها قسم الاطفال جهت المرضى الي ميؤس منهم بس مجرد وقت ويودعون الدنيا وطلبوا مرافق كنت مره خايفه اقعد عندها وتموت قدام عيني بس ما كان فيه خيار ثاني وما حبيت السسترات يعذبونها واول يوم رافقت معاها طلب الدكتور ابوها وصارحه بالحاله وقاله مجرد وقت يمكن ما تزيد عن اسبوع وان مره طولت ما تزيد عن الشهرين دخل علي ابوها وما قدر يتمالك نفس بكى بكاء قطع قلبي بس ما قالي شيء وقعد ينصحني ويقول لو يصير شيء خليكي انسانه مؤمنه بقضاء الله وقدره واصبري ولا تقنطين انا وقتها بكيت بشده وخفت وقلت وش قالك الطبيب قال ولا شيء بس هذا حال الدنيا توقعي اي شيء وفعلا قعدت مع حبيبتي اسبوع كان اصعب اسبوع مر عليه عايشه معاها في غرفه وحده بس ما تكلمني ما تشوفني بس تسمعني فقط دون اي حركه لما يجي الاكل اتذكر يوم كانت تطلبني اكلها والحين الانبوب يغذيها آآآآه يا الدنيا كل الي شافوها قبل العمليه وبعدها ماعرفوها الا لمن يشوفوني معاها والله ان المرافقات معي كانوا قبل عمليتها اذا طلعتها امشيها في الممرات ينصحوني اني ما اخرجها من الغرفه لانه كانت تجذب الانضار وما تمر ممرضه الا وتلعبها وتلعب بشعرها والحين كانها ولد وملامحها مي واضحه المهم نرجع لحديثنا الغريب ان التنفس كان يتحسن بشده وخففوا كمية الاكسجين خاصه قبلها بيوم قالت السستر يمكن بعد اسبوع نشيل الجهاز وتتنفس طبيعي بس ذيك الليله ارتفعت حرارتها بقوه وطول الليل بالكمادات والثلج وكنت حزينه عليها لان الوقت برد وهي كلها ثلج وما عليها الا البامبرز وعلا الفجر خفت الحراره ونمت وصحيت علا صوت حشرجة صدرها بغيت ارجع انام بس قلت يمكن البلغم مضايقها وهي ماهي اول مره يصير لها كذه كان شيء عادي في حالتها تجي السستر تشفط لها بس حزنت عليها وناديت السستر وقعدت تشفط وكانت شابكه في اصبعها حق الاكسجين لاحضت وقتها ان لون شفايفها تغير صار بنفسجي والتفت للجهاز الا الاكسجين في الدم قاعد ينقص من40 ’30.الين وصل 8 و6و 4 وقتها طاح قلبي وخفت بقوه ناديت الدكتور شافها وقال بس اشفطوا البغم وراح رحت ناديت الي جنبي الله يجزها خير وقفت معي رجعت السستر نادت الدكتور وجاء ومعاه اثنين وتجمعوا عليها وانا بس اقول يارب يارب وقبل يقولون شيء التفت على جهاز القلب لانه كان مشبوك فيها على طول لقيته يمشي بس خط متذبذب بعدها صااار خط ما فيه اي حركه انا عرفت انها خلاص حبيبتي رحلت عن الدنيا وخلتني تصدقون اني كنت ازعل على ابوها يوم يدعي ويقول اللهم احيها ما كانت الحياة خيرا لها وتوفها ما كانت الوفاة خيرا لها كنت اقول لا تقول كذه ان شاء الله تتعافى بس ذيك الليله قعدت اطالعها وهي مسخنه والثلج عليها والجو بارد رحمتها مره من ذي الحاله الي هي فيها وبكيت ودعيت لاول مره بهذا الدعاء لاني تيقنت ان ما اعده الله لها في الاخره خيرا لها من الدنيا ومن فيها وتموت وهي صغيره باذن الله للجنه احسن ما تكبر وتموت بذنوبها {على فكره ترا كل ذي الاحداث كانت تمر بسرعه ماخذت يمكن نص ساعه } التفت عليه واحد من الاطباء وقال انتي انسانه مؤمنه قاطعته وقلت لا تكثر كلامك ماتت صح قال نعم تمالكت نفسي وحاولت اتصبر والحمد لله كنت خايفه قبل موتها من ردت فعلي لو يصير لها شيء وكنت دائما ادعي في سجودي ليل نهار ان الله يرزقنا الصبر في كل الاحوال والحمد لله كانت وفاتها يوم الجمعه قبل الصلاة وحضر جنازتها الكثير ولله الحمد والي شافوها بعد الغسيل يقولون كان فيها جمال مو طبيعي اللهم اجعلنا من الصابرين الذاكرين بس ادعي ربي يعوضني بالولد الصالح وبالشفاء والعافيه وان الله يحفضلي ما بقي عندي ويهديهم ويرزقنا برهم ويجعلها من الشافعين لنا لدخول الجنه بس اتمني اشوفها في الحلم بس وهي في احسن حال دعواتكم اخواتي اعذروني على الاطاله والحمد لله على كل حال مالنا غير الصبر واعذريني ان كان ضايقتكم بس والله ما كتبت قصتي تشكي من قضاء الله لا والله بس طمعانه في دعائكم الصالح

يلزم عليك تسجيل الدخول أولًا لكتابة تعليق.

تسجيل دخول

أم غلا 1408 • 16 سنة

ياقلبي الله يرحمها ويسكنها فسيح جناتة ويلهمك الصبر والسلوان ويجمعك بها في جنات النعيم امييييييييييييييييييييييييين

من لي بصاحب • 16 سنة

انا لله ما اعطى ولله ما اخذ وكل شئ عنده بحسبان اصبري واحتسبي وقولي اللهم اجرني في مصيبتي وخلفلي خيرا منها /ماقالها احد بصدق الا عوضه الله خيرا مما اخذ منه

جوآن الهيلا • 16 سنة

ابكيتيني عظم الله اجرك واساله ان يربط ع قلبك
جعلها الله شفيعة لكما
ابنة اختي ايضا تعاني من ورم في بطنها الله يشفيها ويصبر قلب امها

موت النخيل • 16 سنة

ابشري بشفاعتها لك في يوم كان مقداره خمسين الف سنه

وابشري بثواب الصبابرين الذين يوفون اجرهم بغير حساب

وابشري

وابشري

وابشري

بخير عظيم من لدن رب السموات والارض

الكريم الرحيم

اما هي فافرحي بما اعده الله لها

اسأل الله ان يربط على قلبك

وان يفرغ عليك صبر من عنده

ويرحمها ويجعلها في جنات لنعيم تطير فيها من نعيم الى نعيم خير من الدنيا ومافيها

.....................................................................

لكن عندي توجيه لمن تواجه مثل حالة بنتك الله يبعد الشر عنا وعنكم

البنت كان عندها عين واااااضحه

وعلاجها الاول والاخير القرآن

والله انه الشفاء والعلاج بأذن الله

No0osh • 16 سنة

يااااااااااااااااااااااااااااااااااااااارب يجمعك فيها في الجنه ياااااااااااااااااااااااااااااااااااااااااااااااااااااااااااااارب

يارب يارحمان يارحيم تشوفيها في حلمك عاجلا غير اجل