المشكلة مو بالاسم قد ما هي مشكلة التحكم من الكبار الله يهديهم
حتى لو كان الاسم زين مو مشكلة المشكلة انو انت وابوها اللي لازم تختاروا الاسماء
لانكم انتوا اللي ربنا بيحاسبكم على الاسم مو جدها ولا جدتها
وبعدين زوجك باين انه مو راضي بس هو وافق عشان رضى امه
سيبيك من زوجك ما بيده شي ولا تلوميه ترى غضب من الام مو سهل
انا اشوف تروحي لخالتك وتسولفي معها وتقوليلها اللي فبالك بدون ما يكون زوجك موجود

معليش اختي ليش ما تتخيلين انه يكون اسمها حصه الاسم حاله حال اي اسم ثاني بالعكس خفيف ولا به شي وبعدين الاهل هم اللي يحببون عيالهم باسمأهم او لا انا بنتي اسمها على ام زوجي مع انه قديم بس عادي البنت مستانسه باسمها ولا عندها اي مشكله لا مع صديقاتها بالمدرسه ولا بالبيت لأننا ما قعدنا نقول اسمك وع غصبونا عليه بالعكس وانت تعبانه صح ومن حقك انك تسمينها على اللي تبين بعد هي امه وتعبت عليه ومن حقه لو يرد لها جزء من تعبها بشي بسيط ويسميها على امه وصدقيني هو اسم لا يقدم ولا يأخر وإن شاء الله الله بيرزقك بنت ثانيه تسمينها على اللي تبين الله يقومك بالسلامه إن شاء الله

ومازالت المشاكل بسبب الاسماء والله ياخيتي ان اللي كرهوك في الاسم مالهم حق ومعليش ناس سطحيين جدا يعني حصة مايسوى كل هالكلام عنه يمكن ماتتقبيلينه في البداية بس بعدين بيصير عادي بالعكس بيصير لبنيتك حس وصيت اذا قالوا وش اسمها وقلت حصة على جدتها بعكس لو الاسم حديث بيكون عادي جدا وبيمر مرور الكرام وبعدين فكري وش هالاسماء الزينة الحين اذا سموا وقلنا وش معناه قالوا وردة بالفارسي ولا الالماس بالكردي خير ان شالله قضت الاسماء العربية؟اقول تعوذي من الشيطان ولا يسوى الزعل والله ان عندنا بنيات اعمارهم 3 و2 و5 حصة وكل الملح فيهم وانت اخبر بزوجك اذا كان يبغى امر لازم يصر عليه ولا عادي يتنازل بس بعضهم ماتروح عن باله حتى لو تزوج عشان يسمي والناس تختلف والله يهون عليك وتجي حصوصي الحلوة هههههههههه احس ودك تطقيني بس مدري يمكن يصر على رايه ويسمي وبعدين انت تقتنعين اذا شفت فرحة امه بها وتقولين ياليتني ماتزاعلنا عليه يالله صلي الاستخارة وادعي بالصالح

الله يعينك بس أنتي لاتفكرين الا بصحتك وصحة البيبي وصدقيني إن الله كاتب أسمها من قبل لاتولد يعني خليها على ربك..

الحيآة أكبر من كذآ ...

شوفي أختي أذا تحسين أنه ممكن يغير رآيه حآولي ...


لكن أذا مستحيل لآ تحآولين وأقتنعي تدرين ليش !

لأن بيسميها غصب وهذا أول بيأثر على نفسيتك وعلى البنت...

وثاني شي بيحسون أنك مو رآضية ومآأستفدتي من السمآوة ..
لأنها من غير نفس ..

يعني يآ ترضينهم أو يرضونك....

والله أن الشخص يحلي اسمه مو الاسم اللي يحلي صاحبه,,




ودمتي بوود..