كل التقدير :(

حمل ونقل بيت جديد والجو بارد

والنفسية زفت

ماقدرت

ابي ادخلها روضة

حتى زوجي علة يقول بعدين

اخاف تدخل اولى ابتدائي ولاتعرف تتكلم

ترى حتى الكلام والسوالف ماتسولف الا معي

اما مع غيري لا ..

تبرطم بلغة ماتنفهم

دخليهآ بعمرهآ تدخل تمهيدي مو روضه ..

لما تشوف الاطفال تتعلم الانظبآط ..والله يعينك ويعيننا عندنا وعندك خير

الله يعينك والله ان العناد عند الاطفال هو الموت البطئ والعذاب الاكيد للام وأسألي مجربة والله بنتي مجننتني من يوم هي صغيرة بكل شئ تعاند وتخالف رايئ بكل شئ ودائما تختار شئ غير عن اخوانها وماتبي احد مثلها ماأدري شنو المعني غير فى المدرسة شفت العذاب علشان اخليها تعتمد على نفسها وتحاول تركز على دراستها والكل حولي كان يقول لما تكبر تتغير لكن المفاجأة اللي تخليني كل يوم ابكي منها وحارقة قلبي ودمي ومخليتني لاحول ولاقوة انها زادت عناد بشكل يخليكي توصلين للانهيار هي اللحين اول ثانوي بس والله عقلها وعنادها اول روضة اقول هذا صح تقول انا ابي هذا كيفي وكلمة كيفي جننتني والله اني قمت ادور على حلول لها مالقيت الكل كلمها يقولها امك ماتستاهل اللي تسوينا فيها وهي تبي مصلحتك لكن اه ثم اه تقول انا جذي وماراح اتغير شسوي والله تعبت واخر موقف سوته فيني كلنا تجهزنا علشان نروح نتغدي برة هي لا انا مابي اروح والله مارديت عليها وخليتها مع الخادمة بروحها ولاناقشتها وانا من داخل قلبي يتقطع ليش تسوي جذي ليش عن جد انا ماعندي حل لصاحبته الموضوع واتمني تلاقي حل لبنتها قبل لاتكبر ويكبر عنادها وعلشان انا استفيد مع صاحبته الموضوع بنات الله يعافيكم خبراتكم وحلولكم

حاولي تستخدمي معاها اسلوب المكافأه يعني لما تحفظيها هي واخوها اذا ما رضيت تحفظ اعطي اخوها هديه وهي لا وقولي لها دي هدية الشطار اذا ذاكرتي معي تاخدي زي اخوكي انا كده اسوي مع بنتي وبيمشي الحال

بنتك لازم تحن عليك اول..

يعني خليها بيوم من الايام تشوفك تبكين او سوي نفسك تبكين ..يمكن اول مره ماتجيب نتيجه لكن مع الوقت تحزن عليك وتجي تداريك..

قولي لها بطني او راسي وخليها تحط يدها على المكان اللي يعورك واقري انتي الفاتحه او اي سوره وقولي لها اقري اي شي مو شرط تقرا صح بس بعد ماتقرا خلي ان عملها هذا عطى نتيجه

قومي وحبيها وقولي لها احس راح اللي يعورني..

كذا بتصير قريبه منك

لان باين علاقتكم ببعض اما لعب او تلبيه طلبات مافيه حميميه وحنيه منها لك..

وترى هالسن عنادهم غير شكل

ولاتخافين ان مادرست انا بنتي الكبيره كانت معقده ماتروح عند احد لدرجه اني ماقدرت ادرسها تمهيدي وتخاف لاصقه فيني

ودرست اول ابتدائي الاسبوع التمهيدي يساعدهم كثيييييير والحمدلله كل الناس يقولون سبحان الله كيف انقلب حالها صارت تحب المدرسه وتروح عني شوي وصحتها صارت حلوه

معليش فتره وتعدي بس انتي لاتراقبينها كثير