الله يكون في عونك
انا بنتي عمرها سنتين ونص وبالقوة تخليني اشيلها
والمشكله علشان ماتبيني اشيل اختها الي اصغر منها
طبعا غيرة
حتى النوم لازم عندي
والمظلومة اختها
يارب رحمتك وعفوك ورضا ك والجنة

اول شي تحتاجين وقت تقريبا اسبوع أقل شي عشان تعدلين سلوك اي طفل ولا تنسين الطفل ذكي جداً مستحييل يستسلم بسهولة
خلي عندك استعداد نفسي وتصور للي بيصير من صياح شديد وهياجان من الطفلة ( ترى الطفل يختبر والديه كل فترة خليك على موقفك) شيل مافي من غير داعي
بعدين اول يوم يمكن يكون اصعب يوم راح يكون بكاءها كثير ووقت كثير من بكره راح يكون اقل و هكذا لغاية ما تيأس منك
وطبعاً لا بد من مراعاة اللعب معها وقت يومياً يعني اعطيها من حبك وحنانك اغلب الوقت

ومراعاة وضع اشياء ترفيهية تلعب فيها وغيره ومراعاة ان الطفل يكون مش مريض لا سمح الله
وبالتوفيق اختي

لااا
لا تتركينها تصيح بهالسن تصير غلقه وتستمر
اذا طلبتك تشيلينها شيليها ثم اجلسي معها وحاولي تشغلينها واذا انهمكت باللعب قومي
وشوي شوي تنسى الصيااح وتنسى الشيل
وحاولي معاها تمشي عشان تلهى عنك بس انتبهي لها اذا مشت وشيلي عنها كل شي لان الحوداث المنزليه تزيد بمشي الطفل الله يستر علينا وعليهم

ياعزيزتي هذولا الأطفال شقاء الله يصلحهم-تحملي لكي الأجر-ليش حقوق الأم ثلاث(قال الرسول اللهم صلي وسلم عليه-امك ثم امك ثم امك ثم اباك)كرر الأم ثلاث-لأنها تشقاء في تربيت الأبناء-الله يصلحها ويخليها لك ويجعلها بارة فيك000