بسم الله
بنتي عمرها 12 سنة تقريبا ومن وهي صغيرة مشيبة راسي طبعها عنيدة مع انها حبوبة بس وقت النوم تعاند ماتدخل تنام الا وهي تصيح وتتحلطم وماتقوم الصباح الا بالطقاق واذا قامت ياله تروح الحمام تغسل احيانا تعاند وترفض تغسل واذا رجعت من المدرسة تنام واصحيها ولايفيد اسحبها سحب من فراشها والحين كبرت معد اقدر عليها ولو اخليها شبكت النومة الين الليل ياناس تعبت عندي بنت غيرها تختلف تماما تقوم اذا صحيتها وتنام اذا دخلتها بسم الله عليها بدون مشاكل
هالبنت شيبت راسي عسسررررة عطوني حلول تخليها ترضخ لان الترغيب مافاد معها والوعود مانفعت سدت نفسي عن الاكل والشرب اذا بدت المدارس انا وياها شيل وحط عند النوم، مع اني عدلت نومهم يعني امنعهم ينامون بعد المدرسة بس هذي تنام قدامي تعاندني ولاعد تصحى الا بهواش واحيانا يوصل الهواش بيني وبين ابوها لانه يحامي عنها يقول اتركيها بكيفها وشلون اتركها ؟!
ادري كلامي كثير بس والله من حر مافيني اقروا البداية بس وجاوبوني وش اسوي معها ؟
انتم تخلون عيالكم الكبار ينامون بكيفهم ويصحون بكيفهم ولا كيف تتعاملون معهم وربي تعععععععبت ابي حل صاحي
عين جارية @aayn_gary
محررة ذهبية
يلزم عليك تسجيل الدخول أولًا لكتابة تعليق.
- طيب كيفها مع المذاكره متى تذاكر متى تكتب دروسها ... لو تخليها تنام بس ساعه العصر عشان تصحصح وتقوم تحل واجباتها ...
- يعني تخليها ساعه وصحيها
اتركيها تنام
هي مقبله على فتره بلوغ ويكثر فيها النوم وتكون هرموناتها ملخبطه
وينمو جسمها وقت النوم
اذا عدت هذي المرحله راح تتغير كثير
هي مقبله على فتره بلوغ ويكثر فيها النوم وتكون هرموناتها ملخبطه
وينمو جسمها وقت النوم
اذا عدت هذي المرحله راح تتغير كثير
الله يعينك م صدقت ع الله انتظم نوم اللي عندي .. بس أصحك تسمعين بنتك انك م تقدري عليها كذا راح تتمادى أكثر .. لازم ابوها يوقف معك غلط يشجعها .. الله يهديها لنفسها
الصفحة الأخيرة
روحوا لأي مكان او خلي حدا من رفقاتها يجي لعندها وبس تغير هالعادة كم يوم بيمشي حالها وبتتعود تنام بالليل بكير