برايي انك تخليها وقت تلعبين انتي واياها يعني وقت الاكل تقولين بناكل وثم بلعب معك شوي بس بشرط ماتزعجين لو ازعجتي مالعب معك

كل الاطفال كذاا


شبعيها قبل يجي ولا تديها الايباد الا لمى يجي زوجك حتى تكون مشتاقه وتنشغل في الالعاب

الله يهديهاا ويصلحها واولادنا واولاد المسلمين

ياقلبي عليها لسه صغير سنتين ونص اصبرو عليها ولاتعقدونها بالضرب
وخلي جلوسها ع الايباد وقت الوجبات لاتعاقبيها لانها لسه صغيره ماتفهم
وادعي لها دايم الله يؤلف مابينكم يارب

الضرب موكل أساسي صح احيانا نلجأ ليه بس موغلا طول لازم انتم تهدؤ عشانها بعدين قولي لأبوها في وقت يكون هادئ فيه انو انتو بتربو مو بس تبغو تخلصو من ازعاجها على كدا راح تتعود ودحين الايباد يسكتها لكن كل ماكبرت راح يكبر اللي يسكتها وممكن يكون خطر عليها اللي زي بنتك ممكن تكون غيرانه ومحتاجه اهتمام عندك حلين
الاول تصحيها بدري وتأكليها قبل لايجي ابوها وتنوميها بس كدا انت حتحلي ازعاجها على الاكل لكن ماراح تستفيدي شيئ بالنسبه لبنتك لانها حتحس انكم بعدتوها عنكم اكثر وممكن تزيد



الحل الثاني هو انك كلمي ابوها في وقت رايق واتفاهمي معاه انكم تبغو تغيرو من بنتكم بهادي الطرق اول شيئ خففو من العصبيه والزعيق والضرب اعطوها اهتمام اكثر بمعنى كلموها لعبوها خليها تشاركك باشياء بسيطه وقولي لابوها بنتك سوت كدا ماشاء الله اعطوها تشجيع حلاوه او كافؤها ودوها للملاهي وقولها هادا لانك شاطره اشغلي وقتك الفاضي قد ماتقدري بيها ابدا لاتحسسيها انو اختها الصغيره أهم بالعكس حببيها انتي في أختها لمن تبكي قوليلها تعالي بسرعه شوفي اختك ماتبغاني تبغاك انتي مسكيها الرضاعه خليها ترضعها جيبي للعبه ولا حلاوة وحطيها عند بنتك الصغيره وناديها قوليلها شوفي اختك ايش جابتلك لو بنتك الصغيره ساكته وشبعانه سيبيها وامسكي بنتك الكبيره قوليلها انا احبك انتي كبرتي ايش رايك نسير صاحبات ومانزعل بعض كرري هدا الكلام عليها دايما احضنيها كثير لوحصل وغلطت طفله يعني اكيد حيصدر منها اخطاء لاتزعقيلها دايما سوي انك. زعلانه وبتبكي واتكلمي معاها قوليلها ليش تزعلي صاحبتك مو احنا اتفقنا لو حصل وعاندت وتعبتي لازم تتحملي وتشدي على نفسك عاقبيها او احبسيها خليها تبكي الطفل يستخدم البكاء كوسيله عشان يحصل على اللي يبغاه يعني تبكي قد ماتبغى مايضر مهو بكا الم والمثل يقول يابخت من بكاني وبكي عليا ولاضحك وضحك الناس عليا انتي امها شوفي ابوها ايش قال تربيتك المفروض هادي الكلمه تكون نقطة تحول ليكي لمن تعاقبيها عقاب لاتتراجعي فيه ابدا بالاخص لوبكيت لاتحسسيها انو البكا يجيب نتيجه ابدا لاتقولي تنهار هيا تعرف نقطة ضعفكم انكم ماتبغوها تبكي وتستغل هادا الشيئ عشان تملو من ازعاجها لا انتي المفروض تكوني اقوى منها لانك اكبر وتتحملي لانك بتربي ابدا لايفرق معاك البكا انتبهي لواستمرت على كدا حتتعبي واختها لمن تكبر تشوفها تقلدها حتتجنني منهم لازم تعالجي المشكله مو تدوري حلول مؤقته وبس
حببيها في ابوها وقوليلها بابا دحين تعبان لازم مانضايقو خدي مثلا اعطيه مويه سويلها ورقه قوليلها كتبت فيها احبك يابابا وخليها تعطيه حاولي ترجعي الهدوء وفنفس الوقت ربي بنتك لازم اللي بيربي يشد ويقسي قلبو شويه كل يوم قبل لاتنام احضنيها وبوسيها قوليلها انتي احلى بنت في الدنيا انا احبك انت شطوره مافي بنت زيك مسدي عليها كل يوم كرري عليها كلام تشجيع بالاخص قبل النوم وحسسيها بحبك



اسفه على التطويل اتمنى انك استفدتي

ما راح تصير عاقله و انتوا اهلها 

انا اقولك هذا الكلام مو بقصد الاستهزاء و العياذ بالله 

بس الطفل يلقط من جو البيت 

انتوا ما صبرتوا عليها و هي صغيره 

و تعصبون و كفوف 

هذا اذا ما صارت معقده بتصير قلقه و متوتره و عصبيه و مو واثقه في نفسها 

و اذا عندها تقص انتباه و توقع الاشياء من حولها 

مو تقوموا الدنيا عليها 

بكذا ما رح تتعلم 

انتوا متوترين 

اعقلوا انتوا بالأول 

و سامحيني على شدتي في الكلام 

الله يرزقك برها و حبها و يجعلها من الصالحين