الله يعينك انا تنرفزت من بنتك مرررررره

بدون ما احكم عليج وعلى الكف حبيبتي (عارفة شكثر يعصبون الاولاد) لي تعليق على امور ثانية:

- اولا لازم تتفقين انتي وزوجج على نمط للتربية.. بحيث ما تكسرين كلامه قدامها .. ولا هو يكسر كلامج (كان غلطان بهالنقطة)..

- الاب شكله وااااااايد مدلع بناته وطبعا الشي اذا زاد عن حده انقلب ضده..

- شفيج على هالبنت الصغيرة وتغارين منها بعد؟؟؟ حب الاب لبناته شي وحبه لزوجته شي ثاني.. بس اكيد هو يحبج بس تكسر خاطره لما تضربينها ( طبعا لو كان محلج اكيد ذبحها خخخخخخخ لاني افهم شكثر الاولاد يعصبون)

- لا تحطين بالج وبالها بعدها صغيرة.. عاجبتها الشحاطة خليها تلبسها حتى لو رايحين عزومة.. بعدين اضحكي مع الحريم وقولي لهم شوفوا مو راضية تلبس جزمتها الحلوة (و وريهم اياها حق يعرفون انج تفهمين بالكشخة),,,

- لا تتفشلين من كلشي واهم شي بنتج.. الاطفال عنيدين ويتمسكون برايهم اكثر من الكبار حتى..

- بمسألة الارواج: عادي الاطفال يحبون يتعبثون بكل شي .. غسلي وجهها وخبي الارواج عنها.. حتى بحالة الاقلام.. لازم الاهل يخبون الاغراض لان الطفل يحب يجرب ويستكشف.. والا اللوم يقع عليهم..

- شكلج عصبية بدليل ان طلعتي حرتج في البنت لما رمى الارواج.. بس حرام عليج تقولين تضربني عشان هالنتفة.. ترى هاي قطعة من روحه وقطعة من روحج بعد!! كلامج يبين ان عقلج صغير..

- حاولي تتحكمين بالغضب بالذات لان زوجج ما يأيد هالطريقة.. وتوصلوا الى حل وسط: ضرب على اليد فقططططط (اذا مصرة عالضرب كطريقة تأديبية وفي اقصى الحالات)..

- قوّي علاقتج ببنتج ولا تخلينها نتفر منح (اتخيلها تحب ابوها وتكرهج الحين).. تقربي منها وحسسيها انها دلوعتج انتي بعد..

- اذا كانت بنتج شقية.. ركزي انتباهها على امور ثانية.. عطيها دفتر تلوين والوان.. اخذي لها العاب باربي.. اخذيها بالسياسة..

ترى مو هي السبب بالمشكلة.. السبب هو عدم الاتفاق بينج وبين زوجج على طريقة التربية.. ولو كان اي شخص عنده انتقاد، لازم ما يوجهه قدام الاطفال.. بعد ما تخلص السالفة، الشخص يبدي وجهة نظره..

لا تضربينها والبزارين في هذا العمر لازم ترفعين عنهم هالاشياء عشان ما يفهمون واذا لمسوها بتضربين
كلميها وخاطبيها وعلميها وش الصح والخطا شجعيهاوترى كثر الضرب يعلم العناد

شوفي ياقلبي انا حااسه فيك ونص ليش انا زي موقفك ويمكن اكثر لدرجة اني ماانام مع زوجي ع السرير من ثلاث سنوات والله العظيم لوتشوفني جنبه انهبلت وتصارخ وتصيح وابوهاا يموت عليها ويقول خلاص خليها ع راحتها
المشكله اولا بنتك اذا زعلتك طنشي ماكانها سوت شي لا تخلينها تثيرك ابد ابد هي تفرح اذا عصبتي تسوي اي شي عشان تثير انتباهك فانتي عند الغلط تجنبيهاا واذا سوت شي زين امدحيها وكافئيها
الحل عند زوجك بانكم تتفقون ع اسلوب تربيه واحد لازم لازم ولاماراح تتغير بنتك
صعب في البدايه بس صدقيني هو بيحس انها مدلعه وبتطفشه زي مابنتي تسوي كذا بس انا الى الان عايشه المعاناة بس اخف من اول عمرها الحين 6 سنوات بدت بها الاسلوب من عمرها سنتين
ومااقول الله يعيننا ويصبرنا عليهم ويهديهم لنا ان شاء الله

الله يعينك التربية صعبة ويبيلها صبر انتي احتسبي الاجر و خليك ذكية في تعاملك معاها عارفة انك اكثر انسانه بالدنيا تحبها وتحرص عليها بس لاتخلي الشيطان يوسوس لك ويدخل بينك وبين زوجك بشر و يخليكم تتخانقوا عشان البنات