بنتي سنتين وعشر شهور وكلامها غير مفهوم ساعدوني

الموضوع باين من العنوان بنتي بتكمل ثلاث سنوات بعد شهرين ومازال كلامها غير مفهوم اذا يسمعها احد مو عايش معاها مستحييييل يفهم حرف واحد من اللي تقوله وانا بعض الاحيان بعد والله تقعد حبيبتي تطلب شي معين وتبكي تبيه وانا مو فااهمه عليها تكسر خااطري ويتقطع قلبي عليها اخليها تاخذني بيدها وتوريني وش هاللي تبيه ابي اقول لكم البنت ذكيه ماشاء الله لاقوة الابالله وسمعها ولله الحمدجيد وتفهم كل شي اقوله لها او اطلبه منها ساعات اجلس احاول اعلمها بس الاحظ انها تلاقي صعوبه بنطق الكلمات بالترتيب يعني لما اقولها قولي س تقوله ولما اقولها قولي م تقوله قولي ا تقوله اقول لها يالله قوليها سما تلخبط الدنيا وماتعرف تنطقها بالترتيب حتى يوم اعلمها العد لحد الثلاثه تنطق الواحد والاثنين والثلاثه طبعا بطريقتها بس يوم تجي تعدهم كلهم دفعه وحده ماتقدر ذاكرتها جيده وتتذكر الاماكن والاشخاص والاحداث وتتذكر فين حطت اغراضها من كانت صغيره وهذا اللي مستغربه له كثير اللغه حفظ وتذكر ليش حبيبتي مو قادرة تتذكر بقي اقول لكم انها ماكانت تتكلم ابدا لحد ما وصل عمرها سنتين حتى ماما بابا ما ادري هالشي طبيعي اولا ساعدوني بليز هل اعرضها عل مختص او اصبر شويه