بنتي سنتين و تضرب طول اليوم

السلام عليكم خواتي
بدخل بالموضوع على طول
بنتي وحيدتي عمرها سنتن و أربع شهور.. من شهرين تعلمت لما تعصب و ما ألبي لها طلبها ترمي اي شي فوقي او تضربني. الرمي استمر اسبوع و بطلت, بس الضرب مستمر. حاولت معها كل الطرق. طبعا ما طنشت ابدا لان الضرب عيب. هي حبوبة و هادية بس لما تحس بملل تضربني. أذا تكلمت مع ابوها تضربني لين ما اوقف كلام معه. أذا تكلمت بالتلفون تضربني لين ما اسكر الخط. هي تروح الروضة يوميا ساعتين في اليومز تكون مؤدبة هناك بس اول ما ادخل الفصل عشان اخذها للبيت تضرب اي طفل جالس جنبها كأنها تبي تقولي شي. و اذا رحنا بيت اهل زوجي تضرب عماتها او عمومها كف بالوجه.
أنا مو مدلعتها ابدااااااااااا. يعني ماشية معاها بطريقة سوبر ناني. لو سوت شي كويس أمدحها, ولو غلطت او ضربت امسك يدها و انزل لمستواها و اقولها عيب ولو كررتها احطها تجلس بالركن لمدة دقيقتين. تطلع مؤدبة بس بعد ساعتين تنسى و ترجع تضرب. طول اليوم و هي بالركن قاعده و ما ملت من العقاب!!!
من اسبوعين ضربتني و هددتها و رجعت تضربني وما قدرت امسك نفسي و ضربتها ضرب بفخذها بكككككككت بحرقة و حسيت بندم. اليوم نفس الشي ما قدرت امسك نفسي و ضربتها بكتفها ضرب و هي حست بغلطها بس اعرف انها بكرة بتصحى ولا كان صار شي.
ملاحظة: بنتي عمرها سنتين و اربع شهور و للحين ما تتكلم, ولا كلمة ولا حرف ولا حتى تردد الكلمة لما اقولها لها. وديتها طبيب و قالي سمعها كويس الحمدلله بس حولها اخصائي نطق. قالي الضرب بسبب انها تحاول تقولك شي بس مو عارفة تتكلم و تطلع يلي بقلبها. بنتي استيعابها جدااااااا بطيئة احيانا احسها مو طبيعية. الدكتور أكدلي مافيها توحد الحمدلله. استيعابها مقارنة بالاطفال في فصلها يعتبر صفر بالمية. ما تقدر تتبع كلام الاستاذة ابدا, طلبات بسيطة مثلا تحط اللعبة في الصندوق او المنديل بالزبالة ما تعرررررررف ابدددددددددددد.. نفسي افهم عليها بس تعبت معاها واحس بندم لاني اضربها وانا لازم اكون قدوتها
ساعدوني الله يخليكم من بنتها او ولدها كان كذا؟؟؟