بنتي سنه وثلاث شهور ومامشت.

الأمومة والطفل

بنتي كملت سنه وثلاث شهور ومامشت واختها اللي اكبر منها نفس الشي كملت سنه واربعه شهور بعدين مشت متضايقه بكره بروح عزيمه وشايله هم كلام الناس ونظراتهم وانا حساسه
6
800

يلزم عليك تسجيل الدخول أولًا لكتابة تعليق.

تسجيل دخول

ورده الامل 55
ورده الامل 55
الحمد لله اذا متعافيه وسليمه وش عليك من كلام الناس
احمدي ربك ولا تتضايقين اشوف اطفال كثير يتاخرون بالمشي
فيه حريم الله يهديهم طلعيه الشمس افحصيه عطيه فيتامين دال ما ادري انا اتقهوى وانبسط والا اتلقى نصايح
الله يحفظهم لك وتشوفينها عروس
نوروزهور11
نوروزهور11
عادي انابنتي مامشت الاعلى سنه وخمسه شهوروبنت اخوى كبرهامشت على سنه وشهرين السبب اخوى يسوى لبنته تمارين كل يوم يمشيها لين تعلمت ومشت انتى مشى بنتك امسكى يدينهاومشيهاشوى شوى لين تعلم المشى ولاعليك من كلام الناس الناس مايعجبهم العجب
M-shada
M-shada
ماخليت ولا بقيت فيهم من اكل صحي وانا حامل جبتهم طبيعي رضعت طبيعي احس ع. كثر ماتعبت الاقيهم يتاخرون ف المشي والكلام 😢😢 الحمد لله ع كل حال كلام الناس يتعب خصوصا انهم اهل زوجي😐😢
بُكرهـ أجمَل
بُكرهـ أجمَل
ما استخدمتي لها المشايه؟
انا اول مالاحظت ولدي بدا يوقف فالاشياء جبت علبة زيت زيتون طبيعي وطحنت حبه سوداء او حبة البركه وحطيتها معاها صار الزيت لونه اسود وكل ليله قبل لا ينام ادهن رجوله فيها واسويله مساج خفيف والحمدلله يارب الحمدلله مشى على سنه وشهر
بعض الاطفال تكون عندهم قابليه انهم يمشو بدري لكن تتعب عضلاتهم بسرعه ، الزيت والمساج تخفف التعب عليهم وتقويهم
M-shada
M-shada
ان شاءالله بجرب طريقتك ويارب يفيد والمشايه ماحطها فيها كثير