السلام عليكم
بنتي يوم الاحد اللي فات سوت عملية قلب مفتوح وكانت العملية معقدة وصعبة شوي الله يشفيها ويرجعها لي بالسلامة عمرها سنتين ومتعلقة فيني كثير 😔😭 وتكره الممرضات
لها حول اربع ايام صاحية في العناية الفائقة وممنوع ادخل الغرفة بس اشوفها من بعيد 💔 اليوم يقول الدكتور عادي شوفيها من بعيد وكلميها عشان تطمن وزوجي رافض يقول بس اشوفها من غير تشوفني ولا تسمع صوتي لانه راح تبكي وبعدها كيف راح نهديها ونفهما انه ما نقدر ندخل عندها ونتركها ونروح ودكتور ثاني رايه من رأي زوجي انه عليها انابيب كيف راح اشليها واهديها هذا في حال سمحوا لي
المهم انا حالتي النفسية متدمرة اشتقت لها وابي احضنها واطمنها بس اعرفها راح تبكي وتبيني اشيلها الامهات اللي مروا بمثل حالتي وكانت اعمار اطفالهم في عمر السنتين كم جلسوا في العناية ومتى خرجوا منها ؟
هل رفض زوجي انه اكلمها او اخليها تشوفوني صحيح ؟
طيب انا خايفة اذا شافتني تجلس تبكي 😭 كيف وقتها بهديها وانا مو مسموح لي ادخل عندها الغرفة وكمان افكر كيف مشاعرها واحساسها وهي تناديني وانا موعندها 😭💔
يابنات والله اني بهم وغم واحس اني مشتته وخايفة على نفسيتها بعدين تتأثر وحالتها حالة حرجة ماصدقت تستقر علاماتها الحيوية اشوي
كل يوم يقولون راح نشيل الانابيب وننقلها لغرفة ثانية وبعدها يحطموني انه لسه السوائل كثيرة خلينا نشوف بكرة
صبري نفذ والله
دعواتكم لها ولي
يلزم عليك تسجيل الدخول أولًا لكتابة تعليق.
زائرة
•
اصبري عليها لاتروحيلها ولاتشوفينها الا من بعيد عشان صحتها وخصوصا تقولين كلها انابيب واجهزه تخيلي شافتك راح تبكي وتصيح وتبي تفك الانابيب والصراخ لحاله ياثر على القلب انتبهي اصبري لين تطلع وتبوسينها وتضمينها لين تشبعين اهم شي تجيك بصحه وعافيه
اسأل الله العظيم رب العرش العظيم ان يشفيها شفاءً لا يغادر سقما ويردها لحضنك ويقر عينك فيها يارب العالمين انه على كل شي قدير
مارشللو
•
الله يصبرك ويعينك ويعين بنتك قلبي تقطع عليها الله يرحم بحالكم وان شاء الله بأقرب وقت تشوفيها وتحضنيها وتبوسيهاوتكبر وتشوفيها احلى عروس
الصفحة الأخيرة