بنتي شقيه كيف اخليهم يتقبلونها ؟؟؟ تعبت نفسيا

السلام عليكم ورحمة الله وبركاته

انا عندي بنت صغيره عمرها ثلاث سنوات وشقيه شوي مع اللي مايعطيها وجه بس مره طيبه مع اللي يعطيها وجه يعني تجي عند اي احد وتساله اذا يبي يلعب معاها واذا رفض تضربه يعني لعبوني معكم والا بخرب عليكم :30:

المشكله خواتي وحده عمرها ثمان سنوات ووحده عمرها عشره سنوات ووحده اثناعشر سنه طبعا كلهم اكبر منها بكثير بس هي متعلقه فيهم بقوه ودايم بس تفكر فيهم

ومع ذلك مايحبون بنتي ابد :( ودايم يطلعونها من غرفه والمشكله هي تحبهم ومتعلقه فيهم وتكسر خاطري دايم يطلعونها من غرفتهم وتجلس تصيح عند الباب وانا ينكسر قلبي :(

انا ماانكر يمكن تخرب عليهم بس هم يقدرون يدخلونها ويخلونها ماتخرب لانهم كبار تخيلوا حتى لما يجيهم احد غير بنتي وبنفس سنها يدخلونه غرفهم وهي لا

والله بنتي تحبهم حتى لما جو ينامون عندها هي نامت بالارض وخلتهم ينامون على سريرها وتعطيهم العابها وحلوياتها

وهم الله يهديهم يصير معاهم حلاو او اي شي ومايعطونها وهي تجلس تناظرهم وتصيح :(

والله اشياء تافهه ماتهمني بس ارحم بنتي الصغيره لان ماعندها اخوات ولا اخوان وتجلس دايم باالبيت لحالها ضايق صدرها ولما نبغى نروح لهم تنبسط مرره ماتتصورون فرحتها

واذا رحت عند اهلي تجلس لحالها ماتجلس معاهم صار عندها عقده منهم بس تجلس مع غيرهم

وعندي اختي اللي عمرها ثمان سنوات هذي الله يهديها مره شيطانيه الله يصلحها واول ماتشوفني تقوم تضرب بنتي عشان اتنرفز وانا والله اسوي نفسي مااهتم واطنش بس وش اسوي هذي بالذات بنتي تمووت فيها ودايم على لسانها والله مره طاحت بنتي مع الدرج وتصيح وحالتها حاله ولما جت هذي اختي تكلمها بنتي نست انها تصيح وجلست تلعب معها وهي تتالم :(

وعندي اخت صغيره بعد عمرها سنتين وهذي انواع التفرقه خواتي يحبونها لانها اختهم وبنتي ماكنها تقرب لهم والله ارحم بنتي واكره اروح عند اهلي بسبب هالشي يعني هم صغار المفروض يلعبون مع بعض مو يسون كذا ساعدوني وش اسوي ؟؟

:(