بنتي صارت ضرتي

اخواتي ابي رايكم ونصحكم
بتي البكر انقلت ضدي في كل شي بعد مادخلت المرحله الثانويه
ودي اختصر وما اذكر الا الاشياء اللي تقدرون تفهمون بها مشكلتي وتشاركوني برايكم
زوجي عصبي جداجدا ولسااانه وسخ جدا جدا مو معنا طبعه مع كل الناس
وفي نفس الوقت قلبه طيب جدا وكريم معنا ومع الجميع
بدانا حياتنا وكنت ازعل كثير من الفاظه علي ولكن كان يعتذرلي ويقول انه طبيعتة كذا
وفعلا عرفت انه لسانه وقح مع الكل حتى هله
على العموم استمريت معه وبديت اطنش كثير ودارات الحياه وجاء مشاكل فوق لسااانه الوسخ
(من خيانه وسباب وضرب .......)بس بصراحه انا قويه ولي سند
وجاءت احداث كدنا على مشارف الانفصال بس هو متمسك في وانا بعد فيه طبايع زينه مااقدر انكرها
(وعلى ما قالت امي ياحليل اللي يشق ويرقع وعلى فكره يحب امي كثير وهي ماتسخيه مع العلم اني بنتها الوحيده
ويقولي ليتك مثل عمتي يقصد امي)
وهو يحب يشاورني وخاصه في الاشياء اللي تخص حياتنا وعيالنا وبصراحه ياخذ برائي ويثق فيني كثيرررر
ولايمكن يعطيهم شئ بدون ما اوافق
رغم كثرررت مشاكلنا وفي فترتنا الاخيره قلت مشاكلنا لاني طنشته وبالعربي صرت اعيش يومي ومن كثر ماصديت عنه وخاصه الاربع سنوات الاخيره بدا يرجع لي ويتحسن في بعععض الاشياء
ومع عيالي ديمقراطيه لابعد الحدود يحبون يقولون لي كل شئ
وفي نفس الوقت شديده فيما يستوجب الشده خاصه في اخلاقهم وصلاتهم ودينهم
وعلى فكره عيالي دايم معي ضد ابوهم لانه وبذمه هو دايم يبدا بالخطاء
وبنتي هذه كانت اول وحده حاسه بي ودايم تقول اصبري من شاني انا واخواني
ومع انهم يجيهم نصيبهم من عصبية ابوهم والفاظه بس بعد مامليت وعرفت طبايعه صرت اهونها عليهم واقول اقل شئ حسن من اباء كثير
وبنتي البكر بعد مادخلت الثانوي انقلت ضدي وصات ماتاخذ برايي وتحاول تعاندي واحس انها زي اللي تقول انت مسيطره على ابوي وعلينا وتنتقدي كثير وتحاول مع ابوها انه يلبي لها طلباتها بدون شوري لكن ابواها ما اعطاها مجال وهو ما يدري بالفجوه اللي بينا.. حاولت اتقرب منها مانفع جيتها بالشده ومانفع دخلت خالتها واختها اللي اصغر منها وزي صديقه لي ولها وبرضوه ما نفع قلت لها ترى بتخسريني واطلعك من قلبي زي ابوك ومع ذلك قاسيه معي ولي فتره مطنشتها بس والله خايفه عليها كثير وخاصه انه مراهقه
انا مليت من الكتابه ويمكن فيه كثير جوانب ماوضحتها بس تكفون وش رايكم