بنتي صار عمرها 4سنوات ولا زالت............

أصري على ترك الرضاعة...
بالنسبة للحليب ترى اللي في عمر بنتك تحتاج للأكل أكثر من الحليب. هي مش رضيعة !
يمكن راح تعاند و ماراح تشرب حليب لفترة بس مش مشكلة بعد كم شهر راح ترجع تشرب .
و على فكرة في أنواع أكل فيها كالسيوم أكثر من الحليب مثل الزبادي مثلا. و الحليب يخلي الطفل يبان بعافية بس هو يكون عبارة عن نفاخ بس .و في أطفال تشرب الرضاعة لكن عندها سوء تغذية.
أنا عن نفسي أشيلها من عمر أطفالي سنة و 7 شهور . أكيد هم شكلهم يضعف بس هذا يخليهم يجوعون أكثر وما تنسد نفسهم من الحليب.
والله يعينك.

حبيبتي نصيحه لاتجبرينها على تركها ولكن خذيها بالحيله لانها ممكن تلجا لمص اصبعها نفس بنت اختي ..وعلى فكره السبب النفسي لها الشي الشعور بالامان اثناء الرضع
وبالعكس ممكن تكون تستفيدي من هالشي شلون؟؟؟تضعي لها فيها عصاير -حليب بالعسل-اشياء مفيده .
---------------------------------
وومكن ياعزيزتي تحطي على حلمة الرضاعه دوا بالصيدليه طعمه كريه ومخصص للفطام وقدمي لها الرضاعه بحب وخليك عادي علشان ماتشك بالموضوع وقولي السبب ان انتي فيك اسنان وصرتي كبيره فالرضاعه يسير طعمها كذا من اسنانك يعني بالاقناع وتجنبييي القوه لانها بتضرها نفسيا جدا جدا جدا

مشكله والله اذا للحين البنت ترضع بالرضاعه وعمرها 4 سنوات ( الله يحفظها ) وحتى هذا الشي يأثر على بلاعيمها وبعد اسنانها ..

انا عندي طريقة بس قديمه اخذتها من امي وللحين نستخدمها سواء كان للمرضاعه ولا المصاصه او حتى صدر الام (يعني من عمر سنتين المفروض الام ماترضع البيبي من صدرها وهذا مذكور بالقران ( وفطامه في سنتين )
لازم تخلين البنت تكره المرضاعه من نفسها مو غصب يعني بالبدايه قولي لها كخ كخ ولا قولي لها انتي كبيره واذا عجزتي حطي لها شوية مره على حلمة المرضاعه وهذي الطريقه مجربه 100% يعني بعد ماتحطين لها الحليب وطبعا بالخش تحطين اشوية مره وتعطينها البنت عادي واهني بتحس بالطعم مر ومو حلو وبتترك المرضاعه واهني انتي قولي لها وع مو حلوه المرضاعه وعطيها الكوب على طول ( ترا الصغار اذكياء ولو لمحت انج حاطه شي بترد تطلب المرضاعه مره ثانيه او بتروح بنفسها تغسلها فتحملي يعني سوي شغلج بالخش عنها :D وكرري الشي كذا مره باليوم او لكم يوم واهني بتكره المرضاعه..ولاتنسين تخلين الكوب الثاني جاهز اللي فيه الحليب عشان تشرب منه

تحياتي لج
نوارة قطر

أول شيء كلميها و فهميها إنها كبيرة و اشرحيلها مضار الرضاعة و بعدين قوليلها خلاص من اليوم مافي رضاعة وخليها ترميها بنفسها أو إنت ارميها أمامها و بعدها خليك حازمة مهما صار لا ترجعي الرضاعة حتتعبي يومين بس بعدين ترتاحي إن شاء الله
و على فكرة أنا أولادي أشيل الرضاعة بالكثير سنة و نص و من عمر سنة ممنوع الرضاعة في السرير و بكذا ما تتعبي معاهم بعدين

بنتي فطمتها بالملح..........

كنت اعبي الرضاعه ملح وشويه حليب وانفطمت منها مرررررررررررررره وحده

جربي والله يعينك