بنتي صدمتني اليوم في الحديقة

عادي ترى نفس بنتي الكبيره كذا الله يصلحها ....بس ترى لا تشدين معاها كثير ..اتركيها قلي طفله بتكبر وتفهم ..والله اني اشوف اصغر منها ويعرفون يتصرفون افضل منها بكثير بس برضه ارجع اقول هي صغيره وبتكبر وبتتعلم ...
وترى اللي في سن سنه وشويه لا يغرونك انهم صغار بس والله ينشبون نشبه هع هع ما يسيبون اللي يبغونه ولا يفهمون فتلاقيهم بسرعه يسحبوا الشي من يد اللي اكبر منهم ..يعني بنتك مو غلطاانه ولا تلوميها بس عوديها شي لك لا تعطينه لغيرك ..وممكن لو نسيت شي عند احد ممكن ما تجيبيه او لو نسيت شي وانتي خذتيه وهي ما تدري قولي مافيه لانك ما انتبهتي لاغراضك ...
وشوي شوي وترى لانه برضه لوحدها فما تتعب تاخذ الشي كل شي موجود ..ترى الحمدلله بنتي تحسنت بس برضة بسرعه تعطي الواحد اغراضها مع ان عمرها 6 سنوات الحين والله يعين

الله يخليها لك
انا ودي أن شخصيتها تكون قوية لأن هالزمن مايرحم
الله يعينا على تربيتهم

نفس مشكلتي ما شاء الله بنتي عمرها 4 سنوات بس للحين ماتدافع عن نفسها واي احد كان صغير او كبير ياخذ اغراضها
والحين لما دخلت الروضه كل يوم تجي ماما في بنت ضربتني واليوم الثاني في بنت اخذت عصير وعلى هذا المنوال
كل يوم وكل يوم اقول لها قولي للمعلمه ولكن نفس الشي الحين اقولها لما احد يضربك ضربيه صارت ماتقولي وش يصير معها في الروضه وانا ادري انها ماتدافع عن نفسها حتى لما تكون في الحديقه واذا جاء احد يلعب معها تهرب تخاف يضربوها وبعد خجوله بنفس الوقت
بس نفس الوقت اقول لانها وحيده ولا تعودت تلعب مع احد والله يصلحها ويحفظها من كل شر

والله زي بنتي خجولة برا البيت وداخل البيت حدث ولا حرج قمة العناد والمزاج الصعب الله يصلحها

سبحان الله كأنك تتكلمين عن ولدي عمره 6 سنين والى اللحين مايعرف ياخذ حقه ومايعرف يدافع عن نفسه المشكله انه ولد يعني مشكلتي اصعب شوي من مشكلتك والله اني خايفه عليه بكره اذا راح ابتدائي ومتوسط مدري ايش بيسوي يله الله المستعان