بنتي صغيرة وابطها مسمر مين عندها حل

على فكره هي جسمها مليان شوية وتميلل للثخن اكثر

حبيبتي اتوقع الموس هو السبب وممكن زياده الوزن لها دور
افضل شي للابط النتف بالحلاوه
اشتري لها مزيل عرق بيزيلين من الصيدليه
حلو وطبي ومع الوقت يفتح بالتدريج
اذا هي ماتتكلم انتي جيبيه لها مع مجموعه جسم كهديه
برضو بيزلين عندهم شاور جل حلو يفتح ماجربته للامانه
بس بشكل عام منتجاتهم طبيه وكويسه

بارك الله فيك اختب

افضل شي لمنطقة الابط هو الليمون .استخدمية كمزيل عرق طبيعي ومبيض في نفس الوقت.يومياً بعد الاستحمام.(جد الليمون هو رقم واحد للبشره)

وعليكم السلام
لا تخلينها تشيله بالحلاوة أنا يوم كنت بعمرها الله يسامحهم استاذاتي بالمدرسة قالوا شيلوا اﻹبط بالحلاوة نظافه وسنّه وسمعت كلامهم وترهلت وقتها على طول ﻷن الجلد رقيق بهالمنطقة وبهالعمر، ما كنت اعرف اشيل زين كنت أشد وحالتي حاله لحد ما انسلخ جلد رقيق غير مرئي بحجم العملة المعدنية بس كان يقرصني وبعدها قلب بقعه زي الحرق لونه بني إلى يومي هذا
اخذي لها آلة نزع الشعر زي إمجوي وبراون أحسن من الحلاوة والشعر يقل مع الوقت ممتازه، ولو رفضت ﻷنه يبيله وقت استعملي لها أوراق فيت ارحم من الحلاوة خليها تدور فيديوهات عنها لازم الورق تقصه نصين واحد فوق تشيله من اليمين لليسار بإتجاه الشعر اللي فوق والورقه الثانية تحت تشيله على تحت لا تخلينها تسويه من راسها وتشد مثل ما صار معي
وقولي لها لا تلبس ملابس ضيقة من عند اﻹبط عشان ما تغمق وتلبس بنطلون للركبه وواسع عشان ما تغمق بين فخوذها ﻷنك تقولين مليانه
وابعدي عن الليمون وقشوره ﻷنه يرقق زياده هذا كلام دكتور يقول نتيجته مؤقته ويرجع الجلد زي ما كان

جربي ابحثي لها مزبلات عرق تفتح طبية أو مزيلات عرق بالصبار تفتح مع الوقت وتجدد الخلايا

أنا تاركه الموضوع عادي ما جربت افتح ابطي ﻷن الجلد نفسه مهدل وش الفايده 🐸 والحمد لله على كل حال عايشه من مراهقتي لليوم على ملابس نص كم نعمه
يمكن بنتك الله يبارك فيها ثقتها في نفسها بسيطه فتهمل نفسها ومستخسره فيها اﻹهتمام الله اعلم، دلعيها زياده ولا تنتقدينها وخليها تنحف من غير ما تحس باﻷكل الصحي وشغليها في البيت خصوصاً بالمسح أو الكنس عشان تحرق دهون