بنتي صياحه

مرحبا...
انا كتبت نفس الموضوع بس المشكله عندي نفس الشي مع تفاصيل....
اول شي بنتج يمكن الحليب ايبلها امساك...اقصد الصناعي...اذا كان حليب 26 هذا اييب امساك شديد....و انا نفسج جربت كل شي لكن ارتحت على النعناع ...سويلها رقم نعناع مع شوية شكر ...و شربيها بدال الوجبه....

و عشان المغص..حطي زيت زيتون دافي على بطنها تراه يدفيها وايد

ولا تنسين تعطينها امفاكون قبل كل وجبه ...و هاي من خبرتي لكن بنتي الحين تصيح بس احسن هاي اليومين من نصايح المنتدى الله يجزيهم الخير

و بعدين انتبهي لاكلج لا تاكلين ثوم ...صالونه.,.,.افكاتو...يعني كل اللي تسوي غازات ؟؟ فهمتي :)

وعلى فكره الصياح عادي و كل ما صاحت كان زين حقها هيه ...يعني يتفجج صدرها و لا تخافين...اهم شي لا تخافين عليها ..و اي استفسار انا حاضره ..و طرشيلي على الخاص اذا احتجتي اي اشي ....والله انشالله يهديها لج

اختي نسيم البر اشكرج على ردج

انا قريت موضوعج متأخر.. الله يعينا
على فكره بنتج تقريبا نفس عمر بنتي .. انا في 9/7 بتكمل شهرين

مشكوره على النصايح وبحاول اطبقها ولو اني مليت.. يوم اسمعها اتصيح ما ادري شو اسوي وراسي يعورني...

انا استعمل حليب 26 بس تقريبا مرضعه في اليوم ما اكثر لها.. شو رايج ابدل لها او لا

وحده من صديقاتي نصحتني استعمل اللهايه.. قالت لي بترتاحين.. هي استعملتها مع ولديها الاثنين وما صار لهم اي شي وتقول اسنانهم ماشي احلى منهن..

وانا بعدني محتاره :icon33:

الله المستعان

اختي العزيزه الله يعينك ويصبرك

بس الاطفال يبغالهم في هاالمواقف اعصاب من حديد

وجري معاها مويه غريب اذا تعرفينها موجوده في الصيدليات تروح الغازات من البطن
وتنام مرتاحه
بس انصحك نصيحه اذا بنتك كملت شهرين سويله اشاعه لكامل جسمها
الله يخليها لك
وصدقيني والله العظيم عن تجربه ولا قصدي اني اخوفك لا
بس ولد اختي من اول ما جابته وهو يصيح قلنا (مغص _جوع _قلة نوم )مارضى يسكت

راحت اختي المستشفى علشان الحساسيه الي في صدره سووله اشاعه علشان البلغم

الي في صدره طلعت ايده في الاشاعه با لصدفه لقاها الدكتور مكسوره من اثر الولاده

وكانت وقتها التأمت وحنا ماندري

حكت اختي للدكتور واكدلها ان البكاء من اثر الكسر
ولامانه يوم راحت اختي وسوت الاشاعه كان عمره ثلاث شهور

يعني ثلاث شهور بكاء غير طبيعي

واقولك حبيبتي اذا حسيتي بكائها مو طبيعي يعني زايد وكانها تتالم انصحك توديه بدري
وصدقيني ما اقصد من كلامي هذا التخويف لاوالله وانما من باب النصيحه

والله يحفظها لك ويديمك لها

اختي كل الاطفال يبكون بس في اطفال يزيدون على غيرهم واحيانا من غير سبب

يمكن انك تستخدمي لها بعض الاشياء الا يمكن تفيدهم وتريحك

** ماء الغريب 0( بس اذا طفلك يتقيئ لا تعطيه)

** اليانسون المغلي

** الينال ( دواء من الصيدلية 3 نقاط فقط)

** البابونج

وخلي الحمام قريب وقت النوم

والله يعينك