قدر الله وماشاء فعل
ترجع تكمل دراستها لو ماكملتها وتغرق بدراستها وتنساااه ان شاءالله وتنسى ايامه ،،
اهم شي ولدها معها
وانت ادعيلها بالعوض الجميل والجبر العظيم من عند الله سبحانه فدعوة الوالدين مستجابة ان شاءالله ،،
وبنتك ماضاعت ولا غلطت بشي الحمدلله
مازالت وردة وربي بيعوض صبرها خير حبيبتي 🌸

وعليكم السلام
لعل في امر الله خيره
كل الامهات مثل شعورك تعبوا على تربية بناتهم الى ان كبرو وتزوجو وراحو لنصيبهم
والنصيب ما منه مفر ولا تقدرين تعترضين عليه حتى لو كان سيء لان بين خباياه حكمه ربانيه
بنتك لا اول ولا اخر زوجه تنضرب وتتعنف وتشوف الويل من زوجها للاسف
واحياناً الطلاق فيه رحمه ومن بعده تنفتح ابواب افضل واجمل بكثير من البقاء مع الطليق
وبنتك فعلاً تستاهل رجال افضل من هذا يصونها ويحترمها
اللي صار مع بنتك درس لها يخليها تنضج وتصير واعيه وتقوي شخصيتها للمستقبل
لان الحياه بعد الزواج ماراح تكون ورديه ومثاليه مثل وضعها مع اهلها اللي يحبونها
وكذلك انتي كأم لا تصيرين كذا منهزمه ومخذوله اكثر من بنتك !
كيف تبين بنتك تتعافى عاطفياً ونفسياً وانتي منهاره اكثر منها ؟
لازم انتي قبل بنتك تتقبلين الواقع وترضين فيه رغم مرارته وقسوته لانه خلاص أمر ووقع ومن الايمان القبول والرضى بقضاء الله وقدره خيره وشره مو بس تقبلين الخير وتعترضين على الشر
قولي الحمدلله بقلب صادق وخليك واثقه ان الحياه ماتوقف عند خسارة شخص بالعكس تستمر وتكمل
وبإذن الله القادم في حياتكم بيكون افضل والعوض اجمل اما اكمال دراسه او وظيفه او زواج
شجعي بنتك تنطلق بالحياه وتكمل طموحاتها لا تجلس تندب حظها وتبكي على الاطلال لان ماراح يتغير شي

طيب تشوفين بنتك تنهان كل هالاهانات والضرب والتحقير وباقي ترجعونها له هذا حبك لها وهي ما ضاعت هي تحتاج احد يساعدها الحين بس واضح مو قادره تتكلم وانتو قاعدين !!!!

احمدوا الله إن ربي لطف فيها ومارجعها لكم مغسول دماغها او مشلوله من كثر الضرب
هذا مكتوب من ربي
والله يعوضها بالاحسن