اختي الكريمه
اعتذر ماقريت الردود .. اولا لازم تعرضينها علي دكتور .. الله يعافيها يارب

واذا كانت رجلها زرقاء ومنتفخه شوي .. فيه علاج شعبي بس خايفه تضحكين علي .. وامي الله يعافيها هاليومين بغت تطيح وصار رضض برجلها انتفخت وصارت زرقاء وصلحت لها اختي هذا العلاج ... العلاج خارجي يعني عباره عن عجينه من دقيق بر ..
طريقه العجينه هاذي ..
زيت زيتون يعني تقريبا بيالتين علي حسب العجينه اللي تسوينها .. تحطين الزيت علي النار يدفا شوي مو يصير حار ثم تحطين ملح خشن وتذوبينه .. ثم تحطين دقيق بر وتعجنينها يعني العجينه عباره عن زيت زيتون ودقيق وملح وتصير قاسيه شوي ،، ثم تبردينها يعني تصير دافيه علشان تحطينها علي رجل بنتك بس انتبهي لاتصير حاره ،، وتري الملح لايصير كثير ..
ثم تحطين العجينه الدافيه وتلفينها بقماش وتخلينها طوال ماهي نايمه اذا قامت الصبح بتلقيناها تمشي والرجل متعافيه باذن الله ..
اذا مانفعت من اول مره كرري العجينه مرتين .. وان شاء الله بتشوفين لنتيجه علي طول

اختك ام عبدالله

لازم دكتور وجربي تدهنينها بشبة سوداء وزيت زيتون

والله مادري الله يشفيها لك يااارب ..
بس يمكن تكون انفكت ومو واضحه فالاشعه ...اعرضيها على اكثر من مستشفى علشان تتاكدين من سلامتها ....

الله يخليها لك ياااارب

هلا اختي الله يشفيها ان شاء الله ماتشوف شر
ولد خالتي لما كان عمره 5 سنوات وفجأه مقدر يمشي وسوله فحوصات ماطلع عنده شي لا كسر ولا رضوض وجلوا له الاطباء فتره وعقب بيمشي والحمد لله تقريبا 3 اسابيع ومشا عقب معناة وعيادات ومستشفيات خاصه وعامه
يمكن بنتك كذيه فتره وتمشي لانه على قوة الطيحه تفجأة وخافت حاولي تمسحيها بزيت زيت زيتون صبح ومساء وتقري عليها قران والله يخليه لك ويشفيها

اختي من واقع تجربه لبنتي لالالالالاتخافين دامك سويت لها اشعه وقالو مافيه شي اكيد مافيها شي
يعني بس رضوض بنتي طاحت على رجلها وقعدت حوالي عشره ايام مااتمشي وسوينا اشعه مرتين
وقالو ماافيها شي بس اكيد رضوض اللي ماخلاها تمشي على رجولها يعني تطمني