أم نااصر :

يمكن بنتك بدت تثور على وضعها ملت من الوحده وانها تسمع عيال اعمامها برى وهي محجوزه شكلها كابته وانفجرت على الوضع حرام اذا ماتبينها تطلع لهم ناديهم عندك تري بنتك بيصير عندها عدم ثقه بنفسها كأنك تقولين لها انتي مو قد الطلعه معهم خليها تطلع وتلعب وتنبسط لاتحرمينها كل هذا ينعكس على نفسيتها وثقتها بنفسها لاتقولين صغيره ماتفهم بالعكس اما الخوف من الطيارات والبالونات وغيره طبيعي عيالي كذا وهم صغار حتى الورده يخافون منها ولاتنسين ان بنتك دايم بالبيت فأكيد بتستنكر كل شي واذا طلعتوا تتوتر لانها ممكن تخاف من الاماكن العامه لان فيها ناس واشياء مو في البيت ولانها اماكن واسعه مرررره وفي البيت عكس الشي بيت قدكم وهدوء والاثاث المعتاد اطلعوا كثير خليها تتعود مو تقولين حرمنا نفسنا عشانها هذا مو حل الحلول:: 1-اطلعوا كثير في البدايه خلي طلعتكم في البر عشان مافيه ناس ولا ملاهي وارمي علبه مويه وارسليها تجيبها خليها تعرف ان العالم الخارجي مايخوف 2-امشي انتي في البر واتركيها لاتنادينها هي بتمشي وراك واذا شافتك تمشين وتغنين بتستمد الامان منك وتحس براحه 3-المره اللي بعدها اطلعوا ملاهي ومعكم احد من عمامها وعيالهم لانها بتشوف العيال اللي معها في العماره يتعاملون مع الملاهي والعالم الخارجي بطبيعيه وتدريجيا بتصير مثلهم 4-اللي بعدها اطلعوا لحالكم وخليها تمشي مع ابوها او معك مو معكم الاثنين خليها تحس انه ممكن تكونين معها ممكن لا 5-اذا راح ابوها البقاله خليها تروح معه ويخليها تختار بيدها اللي تبي..عطوها الثقه 6- خليها تطلع مع عيال عمها..نصيحه خليها تروح لاتقولين تتعلم كلام وسخ كل شوي طلي عليها وشوي ناديهم عندك او نادي اللي بسنها.. طولت عليك لكن هذا عن تجربه صراحه

يمكن بنتك بدت تثور على وضعها ملت من الوحده وانها تسمع عيال اعمامها برى وهي محجوزه شكلها...