ما يعوركي قلبك عليها وهي محبوسه اغلب وقتها في مكان واحد؟
ترضين احد يسوي فيكي كذا
حتي لو معاها ربو
اذا طلعتيها اكيد بتجري بكل قوتها حتي الحيوانات تحب الحريه وحرام تنحبس من غير سبب كيف بني ادم لا والادمي هذا يصير طفلك!!!!!
الشي الثاني التلفزيون يضر الدماغ ويأخر الكلام وانتي حاطتها عنده طول الوقت وتستغربين انها متأخره وزياده ما تكلمينها طيب من وين بتتعلم الكلام !!!! تدرين ان الطفل المفروض امه تكلمه من يوم انه في بطنها
ومو لازم تطلعين فيها زيارات واقارب عشان ما تفشلكي عندهم طلعيها اسواق ملاهي العاب حدايق تشوف الناس تشوف الدنيا
معليش كلامي ملخبط بس حزنت عليها يوم قلتي تحبسينها الله يعينها 

السنه الجايه دخليها روضه وان شاء الله راح تشوفين كيف تتغير شخصيتها وخلاص لاعاد تحطينها بالمحبس كبرت عليه احس حده طفل عمره سنه ونص حرام خليها تلعب وتتشاقى وتعيش طفولتها لا تحبسيها

لاتحبسينها بالمحبس حرااام يأثر على نفسيتها
الطفل يأثر بنفسه حبسه بالغرفه لو لدقائق كيف بنتك طول اليوم والله حرام تروح أحلى أيام عمرها وهي محبوسه
وبالنسبه للربو استودعيها الله وخليها تلعب
وحاولي تكلمينها دائما الطفل البكر اللي والدينه مايكلمونه يتأخر بالكلام
والله يحفظها لك

اشلون تبينها تتكلم وانتي وابوها ما تكلمونها وما عندها اخوان وما تخطلط مع الناس بنتك تفهم وطبيعيه بس لازم تخطلط با الاطفال وخلاص لا تحبسينها بعد سنتين بتروح الروضه راح تتعبين معاها لانها مو متعوده ع الاطفال

أنا بنتي في عمر بنتك ومتأخرة بالكلام وكثير قالوا لي وديها دكتور طيب وديها روضة " إستماع " وكلن يدلي بدلوه :) بس هي مثل بنتك بكرية وإختلاطها بالأطفال قليل وأيضا اغلب وقتها عند التلفزيون وأنا بصراحة كنت لاهية بالمطبخ والبيت ولا أكلمها الا نادرا بس ما استوعبت إلا متأخر إني المفروض اجلس معها واكلمها لانها من وين راح تتعلم تتكلم ؟؟؟ روحي جيبي لها ورق حائط اللي يجي عليها صور فواكه وخضروات وحيوانات وحطيه في مكان جلوسكم واجلسي معها كل يوم نصف ساعة تعلميها واذا نطقت كلمه أثني وشجعي وكافئي وجيبي لك لوح أو ورق حائط فاضي وارسمي لها سيارة بيت شجرة قمر شمس ....الخ وتكلمي وانتي ترسمي وخليها ترسم معك واقعدي معها شوي عند التلفزيون على القناة اللي تحبها وتكلمي معها عن اللي تشوفينه وسميلها الأشياء لازم تيذلين معها جهد وأنا مثلك مقصرة مع بنتي بس الله يعين وانتهزي فرصة أي تجمع فيه أطفال وخوذيها معك شوي شوي ما راح تخاف وتصير تتعامل مع الاطفال بشكل طبيعي إن شاء الله أما موضوع المحبس ما أؤيدك فيه نهائي .. تخلصي منه وفورا لانك كذا بتظلمينها لازم تعطيها فرصتها للاستكشاف والتعرف على الاشياء اللي حولها مع إبعاد الخطر والمضر من أمامها .. وإن شاء الله تتحسن وتجين تشكين من صداع رأسك من كثرة كلامها واسئلتها :)