بنتي طول الوقت تصيح وش اسوي؟

السلام عليكم ورحمة الله

بنتي الصغيرة عمرها تقريباً 6 شهور وعلى طول اذا شافت احد غريب تصيييييييييييح طول الوقت وتستنكره حتى امي انا وابوي وجدها وجدتها واي احد ماتشوفه كثير, يعني فقط انا وابوها والشغالة واخوانها وغيرنا لا والف لا, مع انه في الاجازة كنا نطلع يوميا وتزور اهلها وتشوفهم ومع كذا ماتعودت عليهم ونفس الشي برمضان يوم كان عمرها 4 شهور كنا نطلع يوميا ومتعودة عليهم لكن سبحان الله مهما كان تصيح اذا شافت عماتها واهل ابوها والله واهلها يتضايقون كثير ويعلقون على صياحها! خصوصاً ان عندهم ولد عمها كبرها وخفيف دم وسضحك ولايستنكر احد ودايم يقارنون فيهم! يعني امي وابوي يسكتون ويتحملون لكن اهل ابوها بس يعلقون على صياحها ومتضايقين وليه كذا وليه ولد عمها يحبنا ورجال وطيب وهي لا لدرجة جدتها كلش ماتحبها ولاتسأل عنها!
طبعاً هي صياحة اغلب الوقت ولازم نشيلها وندور فيها لكن كل شي يهون ولاصياحها الشنيع المتشنج اذا شافت احد برا بيتنا!
مدري ايش اسوي واخليها تتعود عليهم ولاتصيح عندهم؟؟؟ تعبت من تعليقاتهم وصياحها صاير محد يحبها ولااحد يشفق عليها... وش السواة تكفوووووووووون