السلام عليكم ورحمة الله وبركاته
اخواتي الحوائيات
ودي اطلب مشورتكم
باختصار بنتي عمرها ثلاث سنوات الله يحفظها عاقله وهادئه وكلامها عسل لكن هذا الحال اذا انا وهي لحالنا في البيت وتنقلب 360 درجه اذا كان عندي ضيوف او اخرج لزياره اي احد تسير شقيه جداا بشكل لايطاق ولا يحتمل ولا تسمع كلامي ولا كلام اي احد حتى احيانا اذا عصبت عليها ترجع تضربني وتقول كلام ما ادري كيف يجي في بالها اليوم تقولي ماما انت كسرتي قلبي تخيلوا بصراحه الفتره الاخيره صرت اقسى عليها بسبب طبعها هذا وسارت تقول ماما ماتحبني ولاتفه الاسباب تبكي وتصرخ بصوت عالي ما اعرف كيف اتفاهم معاها ما ادري ايش اعمل معاها مره اتفهم واقول يمكن تغار من اختها عمر اختها الان سبعه شهور تقريبا او يكن تحاول تلفت الانظار رغم انها هي اللي تنام في حضني مو اختها الصغيره ومره اضربها او اصرخ عليها وحاليا رغم انها اعزكم الله تعرف تروح بنفسها الى الحمام الا انها اعزكم الله تستخدم الحفاضه في حاله البراز ماالعمل معها ؟؟؟؟
ارجو المساعده حتى بالدعاء
سلمى عطيه @slm_aatyh
عضوة جديدة
يلزم عليك تسجيل الدخول أولًا لكتابة تعليق.
الصفحة الأخيرة
حتى عند اختها خليها تساعدك تمسك الرضاعه مثلا وانتي معها
وبعديييييين مهما سوت لا تصارخين عليها ابد والعبي معها كأنك بسنها
ولما بتطلعين سوي اتفاقات معها ,, مثلا خليها تشوف سلة حلاو او كيس بطاطس او اي شي هي تحبه او لعبه
واتفقي انتي وهي ان هذي الهديه للمؤدبين انتي او هي
في المره الاولى ماراح تطيعك او بتفكر مافي غيري يعني اكيد بتكون لي
لاكن هنا يكون العقاب لا تعطينها ,, قولي لانك خسرتي
التربيه عمرها ماكانت صوت عالي ,, او ضرب ,,
التربيه في الكلام في التعامل في انها تشوفك قدوه
لا تقولين صغيره على هالكلام
وقت التربيه الصح ,, من اول ما يولد الطفل الى عمر 6 سنوات ,, مو اي وقت غيره
يله الله يهديها ,, وتشوفينه عروووس