الله يحفظها لج ويعينج عليها ..
طنشيها وحاولي تلهينها بشي
ثاني غير اللي هي تباه ..
وان شاء الله تتغير لج ,..,

نفس المشكلة بنتي مدلعة و ياليت مني انا لا من جداتها انواع الدلع و كل طلباتها مجابه و كل شي تصيح علية انا بالبيت اطنشها حتى انها ماتمل من الصياح تجلس نص ساعة لو طلعت عنها بغرفة ثاني زي ما هي صياح و بس حتى بالاماكن العامة صارت تحرجني و طبعا النفسية زفت عشان البيبي اللي في الطريق ابغى حل تكفون صارت مزعجة و احس الاقارب من جد صارو يطفشون منها

يمكن انتي لما تطنشيها يبيّن من حركاتك انك منزعجه منها او تعبتي

انا بنت اختي كانت مثلها حتى صرنا نسميها دراما كوين ههههههه تبكي لاتفه سبب

بعدين صرنا نتجاهلها كنها مو موجوده بالغرفه و نحاول نلعب مع اخوها ونسولف معاه ونضحك وهي ولاكنها موجوده

و اذا تمادت في البكاء صرت احبسها في غرفه لحالها بس على حسب عمرها مثلا اذا عمرها خمس سنوات

اقول لها راح تقعدين في الغرفه خمس دقايق عشان تفكرين باللي قاعده تسويه وهي تبكي وتصارخ

وبعد الخمس دقايق ادخل عندها الغرفه واقعد معها واتكلم معها بهدوء واسألها: انتي عارفه ليش حبستك تقول ايه واحيانا ماترد او تهز راسها

لانك صارختي في وجهي وعيب تسوي كذا ..او لانك تكلمي معي بأسلوب مو محترم ..او لانك ضربتي اخوك على حسب

وبعدها اسألها :ثاني مره تسوين كذا؟ تقول لا او تهز راسها كالعاده:biggrin: شاطره ..ايش تقولين طيب؟

تقول :آسفه >>عشان تتعود على الاعتذار لما تغلط .. وبعدها احضنها واطلعها من الغرفه ونرجع عااااااادي نلعب سوا

طبعا هالخطوات اخذتها من برنامج سوبر ناني من جد استفدت منه كثير في التعامل مع الاطفال

ويارب يخلي لك دلوعتك :26:

للرفع

آآآآآآه منهم ...

ليش كل البنات كذا دلوعات ...

أنا بنتي نفس حالة بنتك ودلعها من أبوها يدلعها على أخر شي لأنه يقول متى أشوف بنتي وبيني أعصب عليها..

لدرجة أني أحياناً أبوس رأسه وأقول له طالبتك طلب لتدلعها ولآتعطيها وجه وتحقق اللي تبيه.. .......... والله ما أجلس دقيقة وحده إلا وهو محقق لها اللي تبي ... لدرجة أني حسيت أن ما عاد زوجي يحترمني ...

والمشكلة العظمى أني حامل في الشهر السابع يعني لو ما تغير وضعها خلال الشهرين قبل ما أولد راح تصير مناحات في بيت أهلي وأنواع الازعاج والقلق في وقت أكون فيه تعبانه من الولادة وبحاجة للراحة مو أجلس أصارخ عليها .. طبعاً عادة كل بيت أهلي يدرون أنها صاحت على شيء ما له داعي .. ويحققونه لها علشانها أوجعت روسهم بالصياح ...
لدرجة أنها ( إما تبي تنام حتى أنام أنا .......ذا جلست في مكان ملكته فلا أحد يجلس فيه .. إذا بغت مويه تبي مويه لحالها مو أحد يبقي لها من نفس الكأس يعني مويه جديدة لأنها ماتبي عقب أحد .... إذا لعبت في لعبة ملكتها فلا أحد يطلب منها أنها ترجعها له...............بأختصار عندها : عناد شديد .. غيرة شديدة ... أنانية .... دلع شديد)




أنا سبق ودرست في التربية أن أحد العلماء كان عنده بنت ما تبي تنام في غرفتها لوحدها والسبب عمتها اللي مدلعتها فبدأ معها بتركها تصيح في الغرفة لحالها ومن أول يوم جلست تصيح قرابة 45دقيقة وثاني يوم قلت شوي الفترة والثالث أقل من الثاني ... وكذا حتى أنها تدريجياً بدأت تتعود أنها تنام في غرفتها لحالها... وصارت الأمور جيدة .. بس مرة ذكرت البنت الصياح وصاحت وعلى طول جتها عمتها وسكتتها ورجعت لحالتها القديمة من الصياح كل يوم ورجع يبدأ معها العلاج كأنه ما سوى شي من قبل لأنه لازم الثبات في المعاملة........


طبعاً أنا ما فادت معي هالطريقة بسبب أبوها بس يمكن تفيدك...



الله يصلحهم ويهديهم ويعقلهم .... يــــــــــــــــارب