بنتي عمرها سنة وشهر .. وما تحب الألعاب

.
.
السلام عليكم
كيفكم يا اخواتي ...
عندي مشكلة يمكن تكون صغيرة عند البعض
لكن بالنسبة لي كبيرة ومقلقة
...
بنتي الحين عمرها سنة وشهرين تقريباً
ومن يوم وهي أصغر من كذا ما تحب تلعب بألعاب الأطفال
لما كانت 9 شهور شريت لها اللعبة الحلقات الملونة اللي تنحط فوق بعض .. ما حبتها
شريت لها الأكواب الملونة اللي تدخل ببعض .. ما حبتها
عرايس .. دبب .. الألعاب اللي تطلّع أصوات حيوانات .. موسيقى .. ولا شي
الحين عندها خيمة الكور .. برضه ولا تفكّر تطالع فيها
مع ان بنات اخوي كانوا ليل ونهار داخلها .. مريحين امهم
...
اخاف بنتي فيها شي بقدراتها المهارية أو العقلية ..
ما تحب إلا تناقز ما شاء الله فوق الكنب .. وبطريقة متهورة لدرجة كل راسها ألوان
من الطيحات ... :44:
...
وش الحل ؟ وش اسوي ؟
كنت حابة اطوّر لها مهاراتها وأعلمها الألوان .. اللي بعمرها يعرفون الاحمر من الأخضر
بنتي ولا شي يا جماعة ...
لكن تسمع كلامي ما شاء الله .. اجلسي .. شيلي .. اعطيني .. إلخ
......
في احد مثلي ؟ او هذا موقف عادي ؟ :icon33:
..
على فكرة هذي بنتي الأولى .. يعني التجربة الأولى لي
.
.
.