بنتي عمرها شهرين ومعها دم فالبراز وش يكووووووووون بليز ساعدوني

عزيزتي الله يشفي بنتك
انا ولدي صار معاه نفس الشيء وهو احتمال يكون جرثومه لكن انا اولادي مايشربو الادويه وتعب ولدي مرره لدرجة مصار يرضع ووديته دايه قالت هذا مرض معروف يصيب الاطفال واسمه (وخيته ) وكوت الولد رش فقط والحمدلله يومين والولد قام زي الحصان وصار ياكل ومافيه الا العافيه روحي لدايه او اذا عندك نفس ع المستشفيات الله يعينك
طمنينا اختي عنها

رحوا لدكتوره اطفال احتمال شرخ الله يشفيها يارب

لا تخافين بنت اخوي صار معاها كذا وطلع جرثومه وكان عمرها ثلاث شهور واعطوها مضاد والحمدلله تشافت انتي لا تخلينها وديها المستشفى يحللون البراز ويعرفون نوع الجرثومه الله يشفيها يارب وطمنيني عليها

اختي صار لها كذا لما وديناها المستشفى قالو عندها جفاف شربوها مويه كثير بس

مشكوووورين حبيباتي ..

حنا سالفتنا سالفه من ايام نفاسي لحد الان

اول ماطلع معها ودينها الاسعاف وترقدت يومين وتحاليل وزراعه وقالوا تحاليها مافيها شي ..

وخفت يومين مع المغذي

وطلعنا ورجع لها ثانيه ورحت انا سويت تحليل لبرزها بمختبر اهلي ..

وطلع عندها صديد وبكتيريا ..

ورحت لدكتور اهلي .. صرف لنا مضاد على بال ماتطلع الزراعه

طلعت الزراعه ماشاء الله مافيها شي

جلست اسبوع بس ماعندها خلاف

بعدها رجع ثانيه ورحت فيها وسوا لها تحليل عادي

وقال مافيه شي زين

سوالها تحليل دم قال يمكن مشكله بالدم طلع الحمد الله كويس

رحت فيها للحبيب ..

سوالها تحليل وقال سليم الحمد الله يمكن من الجرح اللي بالشرج وعطاني كريم لها ..

واخذته اسبوع وامس رجع لها ..

ياربي خلااااص احس نفسي تعبت نفسيا مدري وش فيها ..

ورحت فيها لحرمه حقت الاعشاب قالت فيها اخت مدري هي زي اللي تقولين عنها اخيته !!

وعطتني نقوعه لها وهذاني استخدمه .. وقالت لي الدم ماله علاقه بالاخت

يارب فرجها علي ..