بنتي عمرها عشرة أشهر وعرفت إني حامل

السلام عليكم ورحمة الله وبركاته ..

صار لي 3 اشهر استخدم حبوب جنيرا وبعد مااتركها بكم يوم تنزل علي الدورة أكرمكم الله هالمرة تأخرت وحسيت بغثيان وكثر نوم وحللت منزلي مرتين كلير بلو وطلع إيجابي وحللت دم عشان أتأكد وأتأكدت إني حامل ،طبعا إنصدمت لأني آخذ حبوب أولا ، وثانيا لأنه عندي بنت صغيرة عمرها عشرة اشهر بس وما كملت العشرة الاشهر حتى ،، طبعا الحمد لله على كل حال تقبلت الموضوع رغم إنه ضد رغبتي بس غيري مو لاقي الضنا فتقبلت الموضوع بعد ما صراحة بكيت بكا ، وبعدها تعوذت من الشيطان وصليت ركعتين شكر ، خلاصة الموضوع ،، ابي احد يشجعني ويرفع معنوياتي شلون الحمل وتربية طفل صغير وبعدها تربية اثنين صغار مع بعض ، خافية من الحمل ومشاكله اهمل بنتي لانه حملي متعب الله يخفف علي ما ابي استبق الأمور بس ادعو لي بالتيسير وساعدوني بقصصكم ابي اعرف تجاربكم ..

احس الموضوع جدا صعب ..

هل احاول من الحين اباشر في اجراءات خدامة لاني جدا اكره وجودهم في البيت بس حاليا ويادوب متحملة الكرف والتعب فتنصحوني اجيب لي خدامة ؟

وأي جنسية افضل ما ابيها لعيالي ابيها للبيت أنا عيالي ما ابي احد يهتم فيهم ولا يلمسهم من خدم اخاف عليهم .. اللهم الا اذا بعد مدة ضمنت الخدامة ..


ساعدوني