بنتي عمرها ٥ سنوات ولا تروح الحمام 😭

مشكلتي بنتي
علمتها ع الحمام بعمر٣ سنوات وفي شهر واحد تعلمت تروح الحمام وارتحت منها فتره
تروح لحالها وكل شي تمام حتى وهي نايمه ماتسويها سريرها نظيف
وفجأة انتكست قامت ماترضى تروح الحمام كل مره اقولها روحي تتحلطم او تصيح او تطنشني او تعاند وتعصبني
صار الحمام عدوها اللدود تمسك نفسها لين تبدأ تنقط على ملابسها الداخليه كم نقطه وتروح حزتها وهي مره محصوره غير كذا مستحيل تروح بدون اقول لها وياليت اذا قلت لها روحي تروح ينبط قلبي وانا اقول لها
اللي خلاني اكتب الموضوع
امس كان عندي موعد مراجعه بالمستشفى ومخليتها تروح الحمام قبل نطلع من البيت ويوم وصلنا المستشفى طلبو مني تحليل بول بس وصلنا الحمام قالت تبي تروح محصوره وخليتها تروح
وبعدين جلست بالانتظار يمكن ساعه بالكثير ساعه ونص
فجأه قالت تبي الحمام مره ثانيه واشوف ملابسها كلها مبلله وانا مصدومه يوم سوتها على ملابسها قالت تبي تروح الحمام اول مره اشوفها تسويها كامله ع ملابسها يعني سروالها الجينز كله مبين انها مسويتها ع نفسها فشلتني والله ماتوقعت بتوصل لذي المرحله
خصوصا انها كانت رايحه قبلها بساعه وشوي
للعلم كلمتها وقلت لها ليش تسوي كذا ماتروحي الحمام قالت اسفه لاتعلمي بابا وقلت اذا عدتيها قالت سوي لي عقاب
قلت لها شنو العقاب واختارت ابسط عقاب نسيت شسمه اختارت> زهايمر الحمل 😑
طبعا ابوها لما رجعنا سوى لها عقاب خذ ايبادها
مدري هذا مرض فيها ولا طبيعي ولا ايش نصائحكم
عشان مايتكرر هالموقف وكيف اعلمها تروح لحالها قبل تنقط وبدون اطلب منها خصوصا انها كملت ٥ سنوات وتمشي ب ٦ يعني كبيره وتفهم
وطبعا هي بالروضه وتروح بالروضه تجي ملابسها الداخليه فيها ريحه يعني تنقط كم نقطه وتروح الحمام واوقات تجي نظيفه