بنتي عمرها ٦ شهور ونومها

مسا ء الخير ياحوائيات .. بدخل بالموضوع ع طول 🥺 ، انا بنتي عمرها ٦ شهور ونص الله يحفظها تتعبني بنومها تصحى ولا مية مرة وماترضى ترجع تنام الا بمساعدتي سواء اعطيها المصاصة او رضاعة حتى المصاصة ماتحبها اصلا بس وقت النوم تتقبلها واحيانا ترميها وهيا نايمة وتبكي ماترضى الا لمن اعطيها الرضاعة وتنام وانا متاكدة انها مو جيعانة بس كذا تحس انو حليب بفمها خلاص ترجع تكمل نوم ويلا بعد نص ساعة او ساعة بالكثير ترجع تصحيني .. مدري ليش ماتنام متواصل وهيا صغيرة كان نومها افضل من الان بكثير صح تزنزن وتنق بس كان اعمق . حتى غفواتها تاخذ نص ساعة وتصحى غير ارجعها تنام عشان تاخد لها ساعة ونص او ساعتين ولا بتجلس متنكدة 💔 علموني كيف اتعامل معاها وكيف اخليها تنام متواصل بحيث حتى لو صحت ترجع تنوم نفسها بنفسها الله يسعد كل من ترد عليا 🥺