بنتي عمرها 10 شهور

انا نفس مشكلتك ولدي عمره 6 شهور ولا يحب شي لا خضار ولا رز مع ان الرز هو الي يسمنهم بس وش اسوي الشكوى لله والله يعرف طعمه لو خلطته بايش

بس انا لقيت حل يخفف المشكلة .. الخضار اطبخ معها بطاطا حلوة وقرع لانهم يحلون الطعم .. والرز شريت له الرز حق الصحة الي يشبه سيريلاك بس الصحة وحسيته تقبله عشان اعوضه عن الرز :( ومويه الرز اعطيه في الرضاعة احيانا عشان برضه اعوضه اشوي عن الرز

أما عن الطبخات مكن تسوين مهلبية تمر مفيده ويحبونها مرة ..

جيبي 3 تمرات ونقعيها بموية لمدة ساعتين وحطي المويه والتمر بعد ما تشيلين القشور والعجم على النار وخلي التمر لما يذوب وبعده حطي فنجان شاي نصه نشا ونصه مويه اخلطيه وبعدها كبيه على التمر وخليه لما يثقل وبالعافية مررة حلوة

وبعد نفس الحركة بس بالفواكه تفاح وكمثرى وموز ..

وعندك الشوفان حطيه ع النار مع حليب الطفل وخليه 10 دقايق لما ينجح الشوفان وحطي فوقه زبادي اذا خلص وعطيه النونو بالعافية

امم طبعا الخضار يوميا لازم .. اذا تذكرت شي بقولك :)

حبوبه إذا الحليب ماتشربه

جربي تغيرينه يمكن تلقين حليب تتقبله أكثر من السيميلاك ..

:
:

عيون

بصراحه ودي اجرب مهلبيتك لولدي احسها مفيده ويتقبلها الطفل

رفع لعيونك

بعطيك خيارات من واقع تجربتي مع ولدي العنيد :
الفطور ...
صفار بيض مع زبادي
جبن مثلثات تاكلها لحالها
عطيها توست تلعب فيه وتاكله
فواكه مثل موز قطعيه دوائر وحطيه في الشوكة خليها تمسكه بيدها

للغذاء..

حاولي معاها في الخضار ولا تياسي نوعي لها مرة مطبوخة بماي ومرة بمرق الدجاج او الحم ومرة ضيفي لها شوفان
عطيها اياها وهي جوعانه روشيها وبعدين غديها
لاتخلطي لها انواع كثيرة من الخضار ابدائي بنوع واحد او نوعين اذا ماتقبلته مهروس جربي شوربه او عيدان مطبوخ على البخار
عطيها رز مخلوط مع الخضار
رز مع زبادي وممكن تضيفين له صفار بيضه

للعصر
مهلبيه ارز او كسترد
فاكة
او ممكن تكتفي بالرضعه اذا اكلت وجبه مغذيه ومشبعه

العشاء مثل الغذا
وممكن تسوي لها شوفان مطبوخ مع حليبها وتضيفي لها تمر للتحليه مررررة مفيده

اذا استفدتي ادعي لولدي بالشفاء والهدايه