بنتي عمرها 15 سنة وحلمت البارح واليوم شافت نفس المشهد اللي بالحلم ...

السلام عليكم ورحمة الله وبركاته ....
بنتي قالت لي بانها حصلت بينها وبين صديقتها مشكلة والبارح نامت وحلمت بان صديقتها جت عندها قريب من مصلى المدرسة وانها كانت فاكة شعرها وهو مستشور وحاطة ايديها الثنتين في جيوبها وكانت متوجهة لبنتي ونادت على بنتي وسئلتها اذا هي زعلانة عليها وبنتي قالت لها لا عادي انا مو زعلانة ولا شي ..
واليوم بعد ما انتهت بنتي من الفترة الاولى من الاختبار جتها نفس البنت وبنفس الشعر وطريقة وضع ايديها في جيوبها وفوق هذا كله في نفس المكان تصوروا ... بنتي انفجعت من المشهد نفسه لانه شافته البارح في الحلم وسبحان الله كيف انه صار نفسه بالضبط .. وانا مفجوعة مثلها لان بنتي اول مرة تحلم بهالشكل ... احيانا تحس بانه راح يحصل شي وتكون مو مرتاحة وسبحان الله يحصل نفس الشي اللي تحسه سواء حادث او موت احد او اي شي ثاني ؟؟؟ بس هالحلم يعتبر شي جديد ؟؟؟ ...
ما ادري ليش يصير لها كذا .. هل هذه رؤية ؟؟؟ لان ابوها دائما يشوف رؤيا لكن ماتكون نفس اللي في الحلم لا يصير تفسيرها شي ثاني .. بس سبحان الله جزء من الرؤيا اللي يشوفها تصدق ؟؟
كل اللي ابي اعرفه وشو هذا اللي صار لبنتي هي رؤيا والا ايش ؟؟؟