هلا يا اختي ..
ايش فيكي اختفيتي .. اشتقنالك ..
ومبروووك .. وكيف البنوتة ..
تذكرتيني ولا لأ؟؟
ماشالله معناها انا وياكي بنفس اليوم تقريبا ولدنا ..
بالنسبه لي راح اقول لك على ايلي اعطيه لولدي وطبعا (الدكتورة هي ايلي قالت لي ) وماشيه على كذا بطفلي ايلي قبله ..
اعطي لولدي مره باليوم عصير برتقال وتفاح ..(تعصري برتقاله وبعدين تخلطيها بالخلاط مع نص تفاحه)
ومره أحط له ربع سكوت فارليز (وهو ينباع بالصيدليات) تحطيه مع رضعة الحليب ومرة باليوم فقط .
وكمان اشتري من الصيدليه زي السيريلاك بس هو اسمه(منتوجات الصحه) مكتوب على العلبه ابتداء من الرابع وهو بالارز , لكن في ثاني مكتوب من الخامس بالفواكه ..
المهم تحطي ملعقتين منه على رضعة الحليب ويصير متماسك وتعطيها البيبي .. ومكتوب التعليمات على العلبه .. (وانا اعطيه لولدي الرضعه هذه في الليل بل النوم عشان يشبع)

وباقي اليوم تعطي بنتك حليب ..

لكن انا بدأت لي يومين ..اسوي لولدي الخضار وهي :
كوسه وتقطعيها ومعاها ملعقه رز وتسلقيها على الناروبعدين تخلطيها بالخلاط ..وقلت اعطيه هي يوم بعد يوم عشان لا اثقل على معدته ..
وترى لاتحطي عليها سكر .. خليها كذا او تحطي شوي ملح . عشان لاتتعود بنتك على الحلو بس ..
واذا ما اتقبلت اي شي لانه جديد .. اعطيها هو لمن تكون نايمه بالعصر او المغرب .. لان البيبي عادة مايركز بالطعم وقت النوم ..

وطبعا الافضل ان بالاوقات ايلي تكوني مستيقظة انتي فيها ومو نايمه .. هي ايلي تعطيها فيه الخضار , ورضعة الفواكه ..
وكمان الدكتور قالت لي ابدئي بالتدريج اعطي ولدي لبن زبادي ..
اي سؤال عادي لاتترددي ..

باقول لك شي ..
انا ولدي برضو صغير .. وللاسف لمن ياخذ الرضاعه مايشرب الا حد 80 او 90 مل بس ..
رغم ان على العلبه مكتوب أكثر ..

و الله انا ما اعطيها غير حليب و سرلاك ولا اكثر لها حليب صناعي لو اعطيتها غير هذي
الاشياء يصير ثقيل عليها وهي كثيرة تطريش


ملاحظة** ترى عمرها 4 شهووووور*******

المتغليه مشكورة حبيبتي على ردك وانا احاول اسوي الي مكتوب عالعلبه بس نفس مشكلة دانه بنتي ماترضع الكميات اللي محدده عالعلبه

دانه

والله اني بعد اشتقت لك

بس ماقلتي لي وش سميتي ولدك؟؟

وبالنسبه للأشياء اللي قلتيها ان شاء الله رح اطبقها لأني ابغى بنتي تصير مليانه شويه عالاقل اذا حبت او مشت يكون عليها لحم مو تختفي مسكينه

وبالنسبة لمسألة انها ترضع اقل من الكمية اللي محدده عالعلبه فنفس مشكلتي!!

ولاتخافين اذا عندي اي سؤال بانط في حلقك على طول مادام اعطيتيني وجه((ولايهونون الغاليات بنات حواء مالي غنى عنهم))

ورده ذبلانه

اذا بنتك كثيرة تطريش غيري الحليب انا بنتي كانت كذا وقال الدكتور ان الحليب ثقيل عليها وغيره لي والحمدلله ارتحت

ومشكورة على ردودكم ياعسولات

هلا عيوني ..
ولدي سميته (مهند) ..
انا قلت لمن أطعمه في اليومين هذه تطعيمة الاربع شهور بسأل الدكتور .عن الكميه القليل هذه ..
انتي ماتعطي بنتك نقط فيتامين (د) ..انا كتبها الدكتور لولدي وهي مهمه ..
الله يخلي لك البنوتة يارب .. ايش سميتيها ؟؟