بنتي عمرها 5 شهور ماتنااااااام لها شهرين ..وش صاير لها؟؟؟؟

نفس حالة ولدي ونومي متقطع بس تعودت

الحمد لله على بالي بس انا الي اعاني
انا عمر ولدي شهرين ونص ينتظم اسبوع في النوم ويرجع يخربها ويصير يصحى كل ساعة يطفشششني مرررة
لا وفوق هذا ما ينام النهار وبس يصييييح :( تعبت صراحة

1- عمرها ماشاء الله صار مناسب للاكل ... اعطيها سيرلاك ارز (ميلوبا ) قبل تنام راح يشبعها لوقت اطول ويريحها بالنوم .

2- جيبي لها مخدة صغيرة وطرية (اهم شي طرية ) تنام عليها لان الصغار مثلنا يتعبون اذا صارت الرقبة طول الليل نازلة وتلاقين يجيهم حرقان وارتجاع سوائل (حموضة ) مثلنا تماما يالكبار ...فصعبة تعطيها رضعة وتخليها متسطحة ...قالتها لي حتى لممرضة بالمستفى انه موزين اثناء الرضاعة او بعدها لان الحليب يدخل رئة الطفل وايضا يرجع يسرب من معدته لحلقة فينزعج المسكين يتالم ومايرتاح بالنوم .

3- درجة برودة الغرفة لازم تكون محتملة ومقبولة .... مو زين تكون الغرفة حااارة ومكتومة ولا هو زين التكييف يكون عالي ...وكمان موزين تثقيل اللحاف واللف ...بس شي بيسط يلم جسمه بدون ما يحد حركته .

4- اعطيها شي صغير من ملابسك بعد ماتفسخينها كومية وخليه جنبها تحضنه ...الطفل يحب ريحة الام ويعرفها واهم شي يحب يضم شي او يتلصق فيه وهو نايم .... انا تعلمت هالحركة من حريم كبار وعجايز وطلعت صحيحة وصرت احط يا بلوزتي بعد مااكون لابستها او تي شيرت او حتى الطرحة (الشال اللي نصلي فيه وقماشة ناعم ولين )

5- اذا فشلت كل المحاولات وكانت البنت تبي شي تمصه حتى لو شبعانة فاعطيها لهاية ويفضل تكون طبية مثل شيكو وافنت عشان ما تخرب الاسنان ولا تتعب الفم .

6- عوديها عالاضاءة الخافتة بالليل عشان تبداي تبرمجي ساعة جسمها البيولوجية على ان هالوقت هو الليل ومخصص للنوم لفترات اطول .... والعكس بالنهار ....لو نامت خليها تنام عالاضاءة العادية عشان تكون فترة نومها قليلة ...النصيحة هذي اخذتها من خبيرة اجنبية واستفدت منها حتى مع انفسنا حنا الكبار

الله يعينكم كنت كذا
عاد تحملوا والله يكتب أجركم
لحد مايكبرون ويتعدون الست شهور أو سبع وإن شاءالله ينتظم