بنتي عندها امساك قوي وشرخ بالشرج ساعدوني

صباحكم رضـا وسعـُاده ****لله

انا ابي مشورتكم وابي رايكم بموضوعي واللي ماعندها خبر بس تدعي لبنتي الله يشفيها

عندي بنتي عمرها الحين سنه وشهرين تقريبا وهي بالشهر السادس جاها اسهال قوي وانتو بكرامه لدرجه انه خلاها زي الليمونه
وديناها المستوصف عند دكتور اطفال طبعآ صرف لها حليب منع الاسهال ومن هنا بدت المشكله
الحليب هذا خلا بطن بنتي حجر وتقعد باليومين ماتبرز
ودينها ثاني مره المستوصف لاكن غيرنا الدكتور وصفونا بدكتوره شاطره
قالت البنت جاها شرخ في الشرج من قوه الامساك لاحول ولاقوه الا بالله
والله العظيم اذا جت تبي تبرز البيت كله يقعد يبكي معاها من حالتها المحزنه
صرفو لنا حليب الاسهال عشان يسهل بها ولاسوى شي
صرفو لها ملينات من ظمنها نقط خروع للاطفال ولاتسوي شي الا احياااان
كل الاشياء اللي تمسك البطن منعناها منها البن والزبادي والخ برغم انها تحبها
صرنا نعطيها اشياء ملينه لاكن دون جدوى
المستشفيات مانفعت ولا العلاجات قلنا نوديها لطب شعبي في وحده مشهوره رحنا لها كشفت عليها قالت فيها عفن اطفال طبعآ من الامساك اللي خلى بطنها يعفن
قالت لازم اكويها ورفضت انا وابوها قلنا كوي اخر حل
صرفت لنا صعود وشي مثل الحنا تشربه قبل المغرب وصرفت لها شي مثل التحاميل لعلاج الشرج
قعدت البنت اسبوع ماشاءالله حالتها كويسه بعد اسبوع انقلبت مثل اول
البارح حالتها استأت جدآ لدرجه انها برزت ومعه دم وبغت تموت من الالم لاحول ولاقوة الا بالله
رجعنا المستشفى رحنا دكتور الاطفال قال ماعاد اقدر اسوي شي بحولها جراحه
رحنا قال دكتور الجراحه انها طفله وماقدر اسوي عمليه على طول لاكن بصرف لها تحاميل مع الاستمرار ع الملينات ****لله تطيب قال تعالو السبت اذا ماطابت نقرر عمليه من وقتها وانا ضايقه فيني الدنيا
طفله كيف تتحمل البنج والعمليه طيب وبعد العمليه يبيلها راحه وهي ماشالله حركه ماراح تقعد
طيب ارجعها للحرمه تكويها ولانسلمها للجراحه
تكفون ارشدوني انا تعبت وقلبي بيتقطع عليها مابيها تقعد كذا طول عمرها
للعلم استخدمنا كل شي يسهل زيت زيتون كيوي زبده مع الحليب عصير برتقال بدون فايده

ادعو لها الله يشفيها ويختار لها الخيره الصالحه