بنتي غايبه حول شهر

انا مااشوف نفسي غلطت كل يوم يودي اخوها وبنت عمها بنفس المدرسه الي بنتي مسجله روضه فيها وعمرها خمس سنوات وخمس شهور سن تمهيدي وانا ابيها تتعلم قبل تدخل السنه الجايه اول وابوها رافض دراستها وبدون سبب كان يخليها تداوم يومين ف الأسبوع وجاها فايروس عدوى لقطتها من الفصل جلست تعبانه فتره ونوديها المستشفيات بلا فايده المرض كان قوي والحمدلله تحسنت قريب وكان في حفله لليوم الوطني وكان ودي تروح الحفله مع اصحابها حتى هي تبغى 💔 بس طفشني ابوها مايبي حتى الكتب ماجابلها باقي ف المكتبه والي معاها اخذوها ودرسو مرات تجيني تبغى زي اخوها تحل واجب وتجلس تبكي بس ذا الأب متسلط وفشلني كذا وحده من المعلمات يرسلون وينها ماعد تداوم اقول تعبانه بس اليوم ارسلت معلمتها لي تسأل تقول وينها ماعد اشوفها عسى ماشر وعاد قلتلها كانت تعبانه وابوها الله يهديه ماعد خلاها تداوم ولاجاب الكتب وماقصرت قالت الكتب اذا ماتقدرين تاخذينها من المكتبه برسلها ملف وتصورينها وعاد استفزني اليوم وقلتله قلت ترى معلمتها ارسلتلي وقلتلها انك انت ماعد توديها وزعل قال فشلتينا قلت لا والله مو كل مره انا اتورط وماادري اش اقول وماقلت الا الصدق !
تعرفون لما تسكتون وتنفجرون مره وحده يكفي متحمله عيشة الفقر هذي اذا تغدينا مالقينا عشا ولايجيب حتى تميس بريال عشان يريحني كل ليله ف المطبخ ادور وضعنا المادي صار صعب مره يابنات والله العظيم جلست بالشهور حتى العطر مااعرفه وقلت مع الراتب بشتري فجأه قال ماعندي ولااعطاني حتى ريال وكتبت اغراض البيت ماجاب الا بعضها وقليله ولما قلت عيشة فقر زعل ماقلت شي غلط يحسن من وضعه المادي بدل ماهو جالس بالبيت ويبي الفلوس تجيه وهو منسدح مقصر علي بأشياء كثيره ومااتكلم ولااكلف عليه ومن ابسط مشكله او كلمه ينفجر فيني ويحطني انا السبب ترى ودي اتطلق بس وين اروح اهلي على بيتهم هدد وانا مالي مكان انا وعيالي الا اجلس ببيتي واتحمل
وماتدرون بعد وش صار استغفلني وخلاني احمل مع اني كنت حريصه مره عشان وضعنا المادي انصدمت وقالي والله بدون قصد ! ومن اول مايخليني اخذ موانع ولايجيبها لي على اساس خايف على صحتي وهو كذاب
انا حمدت ربي وشكرته ولاتذمرت على حملي لأن في ناس تدور الله يرزقها بس كل مااشوف وضعنا وعيشتنا خايفه يجلس بلا حليب اذا جبته او ينقصه ملابس او اي شي 😞 البيت يالله مكفينا انحرمت من اشياء كثيره وهو يشوفني ظالمه وقد قلتلكم ابوي يجي ويقعد بالأيام بس بعيد عن بيتي شوي اقوله يوديني اسلم عليه ولايوديني يرفض تشوفون هذا انسان صاحي ! قولولي كيف اتعامل معاه جابلي المرض وبالذات على دراسة بنتي وبنته الي كنت اكلمكم عنها ترى حتى هي نفس الوضع اخذت الثانويه وخلاها تجلس بس يودي الولد يدرس ويخلي البنات بحجة ان دراستهم مامنها فايده ولابيتوظفون
طرحت اكثر من مشكله بوقت واحد انا ادري في منكن يذموني ويتكلمون علي اذا جيت اشكي ترى والله اقرى واستفيد مااطنش ! اي وحده بتضايقني لاترد على موضوعي اللي فيني يكفيني طوال الفتره هذيك تحملت اشهر الوحم ولحد اللحين تعبانه واخر موضوع نزلته عشان السفر لما قلتو اسافر مع ابوي مع ان هو منعني لما طلعت حامل استغل الفرصه قال والله ماتسافرين خطير عليك ف الاشهر الاولى والله وجلست وانحرمت من وناسة الأجازات ماعندي الا ذا البيت منكتمه فيه وعدني بسفر اجازة اليوم الوطني ولاودانا من القهر جلست ابكي ليله كامله اليوم الثاني مااقدر ارمش تورمت عيوني تكفون ادعولي مشتته ادعي كل يوم ربي يفرج همي ولايأست 😞