من رايي انه اشياء التواتصل تنحرم منها وتشددي المراقبه بس ابوها شكله مو حيل عصبي اللي يذبح بنته من موقفه اللي كلمت اولاد ونصحها عادي خلي يهاوشك الحين بس يكون عنده علم عن بنته واهو بينصحها وشي اكيد انه مابيقتلها لانه زي ماقلت لك واضح انه ممو عصبي حيل حيل وحتى لو جاها ضرب منه عشان مصلحتها وعشان تخاف منه وبعدين اهي اللي خلاها تزيد اهو سكوتكم عنها من اول مره يعني كان حرمتوها من الايباد وكل شي والطلعه من البيت لازم معها انتو او ماتطلع

لاتقولي لابوها يذبحها ويحملك المسؤوليه

يا الله هذي الأجهزه جااابت لنا الدمااااااااار الله يهديها ويصلحها ويربط على قلبك وربي التربية صارت صعبببه بهالزمن جدا جدا جدا الله يعين .. من رأيي لا تعلمين ابوها بس احرصي احرصي احرصي عليها حرص شديييييد شوفي وش البرامج الي عندها احذفي السناب والإنستا وتوتير هذي ما تناسب أعمارهم واي برنامج فيه محادثات احذفيه وشوفي الأرقام الي تتواصل معها لمين وخليكِ حريصه دايم طالما ماعندك الا هالبنت حطي حيلك الله يعينك هذي امانه في اعناقكم بالوالدين اما تحسنوا التربية وتجنوا ثمرها ولا العكس

لازم ابوها يدري ويكسرها بعد صدقيني شفت بنات مراهقات مثل بنتج والغلطه غلطه الأهل لأنهم مدلعينهم طبعا قلب الام غير مع الوقت بتسامحينها بس مثل ما انتي أمها هو ابوها خلي هو يتصرف قبل لا يفوت الاوان نظرت الريال تختلف عن الحرمه بعدين الموضوع صار جدام اهلج يعني مب بعيده يوصله الخبر والبنت لو كبرت ساعتها ما بتقدرين عليها واللي تقول استري عليها وقوي شخصيتها عشان ترجع ثقتها بنفسها اقول لا وألف لا خلي ابوها يعرف عسب تحاول ترضيه وتكسب ثقته اللي خسرته بين اَهلها خليها تعرف ان الموضوع مب مجرد تعارف بل اكبر يمس سمعتها وسمعت اَهلها لان لو سكتي بكره ألطريقه الوحيدة عشان ترجع ثقتها بنفسها وتقوي شخصيتها بتكون عن طريق استعراض جسمها للشباب مع اخفاء وجهها والله أني شفت مثل هالأشياء بالمواقع وانصدم كيف الأهل ما ينتبهو وهم بسن خطر لدرجه في اللي أعمارهم ٢٦ يسوون اختي انتي قلتي هاي مب اول مره وأنك مسكتيها قبل تكلم بعد خلاص خليكي حازمه انتي ام وهاي مسؤوليتك انك تحمي بيتك بكره لو صار شي زوجك بقول ليش ما تكلمتي من البدايه اليوم ركبت مع واحد والله ستر وانتي ماتدرين بكره من وراك تسوي أشياء اكثر واكبر ساعتها مايفيد الندم

يختي دام تعرف هالشاب وماعندها جوال خاص بس تستخدم ايباد اخوها كيف كانت تتكلم معه وتتواعد معه وووووالخ تاكدي ماعندها جوال ثاني لمن قابلته تاكدي واخذت منه هديه او اي شي....كانت بنت جيرانا الله يحفظها تتعرف بجوال امها والشباب يهدونها جوالات يوصلونها لها للبيت يحطوها عند الباب ويعطوها خبر برساله وامها ماتدري عن شي ...فانتبهي لازم مايكون معاها جوال علشان مايرجع لحد يضحك عليها وايباد اخوها شيلي الشريحه حتى هو لاتحطيله برامج تواصل يكفي العاب والله ان اليوتيوب يددددددددمر....ربي يحفظها ويحميها لك وادعي ربك واستودعيه ذريتك يوميا