بنتي غيورة وعدم ثقه ساعدوني

سلام بنات وامهات ياخبيرات بنتي ربي يصلحها ويهدي بالها
ماكانت كذا ابدا تغااار من كل شي ودايم تقول فلانه عندها وانا ماعندي فلانه عندها لون اللعبه الي كذا وانا ماعندي فلانة لبست وانا مالبست اذا شافت بنت عمتها لابسه بنطلون طلعت جري البيت ونفسها رايح تقلي فلانة لابسة بنطلون جيبي بنطلوني ابغى البسه زيها تنزل تحت تلقاها فصخت لبست فستان مثلا تطلع لي وتقلي غيرت بلبس فستان واخاصمها مافي فايدة كل شي تبغى زي الناس والله انها اكثرر وحدة عندها كل شي وهم الي يقلدون بنتي ويبغون زيها وكل كلامها انا عندي زي فلانه بس فلانة ثانية ماعندها زينا احسن
تجي بنت عمتها عندنا ويلعبون وتجي تقول احسن احنا نلعب وفلانة ماتلعب معانا
فلانة حطت روج جات تبغى زيها مررة تعبتني وتسوي اخس من كذا تبغى كل شي زي البنات وهي عندها كل شي بنتي عمرها 4سنوات المشكله اقعد معاها بهدوؤ وافهمها ياماما عيب الحركات ذي لاتقولين ابغى زي فلانه وعلانة بس ماتفهمني تعصب بسرعه والله يابنات رحت زرت خالتي وقالت شوفي عندهم بيت كبير نبغى زيهم بيت كبير قدامها ماشاءلله بلاه ذي بنت صغيرةة :confused:
مرة جننتني بحركاتها ذي وصارت تشوف بنت وحدة من جماعتي بس تضرب امها قدام الناس وصارت تضربني ووصلت البيت وزعلت منها وصرت اخاصمها وكرهتني في حركاتها والله صرت لما اخرج اهددها ماراح تخرجي معايا عشان انتي تضربيني قدام الحريم بلاه وش رايكم كل شوي الوم بنت جماعتي الي تضرب امها ياريتنا ماقابلناها ودخلتها مدرسة وصار لسانها زفت صارت تقول الله يلعن شكلك وتقول لابوها الله يقلعك ياناس وربي مزعلني وضعها بنتي ابدا ماكانت كذا والكل كان يشهد بهدوءها ماشاءلله والحين انقلبت مررة والله يضيع يومها كله بالطلعه والخرجة عشان تبديل الملابس تقلد في بنت عمتها بس بنت عمها لا يعني تغار بس من بنت عمتهها واقلها روحي العبي عشان المغرب حتطلعي البيت ويضيع الوقت في التشكي والتبكي والغيرة وهيا عندهها وانا ماعندي :crap:
وشلون اتصرف معاها والمدرسة والاخلاق الزفت الي تعلمتها منها وش استفدت هذي مدرسة بلاه !
انا دخلت بنتي اعلمها الادب وتتدرس ولا دخلتها تتعلم قلة الادب .
كيف اعزز الثقه ببنتي
والله دايما لما البسها واكشخها اقولها يانناس انتي احلى وحدة واقلها ايش الحلاوة هذي ايش القمر ذا وتتدلع عندي بس تقولي انا احلى من فلانة , فلانة ماهي حلوة صح واقوم اقلها كلكم حلوين وتزعل !
يعني انا دايما امدحها بس ليش احس ماعندها ثقه بنفسها