بنتي فشلتنيييييي و تعبتنييييي مع الحلاوة ...في أحد زيي؟؟هئ هئ

السلام عليكم يا أخوات أنا عندي مشكلة وقلت مافي أحسن من اني اسأل خواتي بعالم حواء ماشاء الله ما يقصروا الله يجزيهم خير عموما ما أطول المشكلة في بنتي
عمرها ماشاء الله سنتين و شهر المشكلة إنها تعلمت ببيت جدها على الحلاوة و كم مرة الحريم يعطونها من شنطتهم و هي خلاص صار ببالها أي شنطة فيها حلاوة و بدأت مشكلتي معها من حبها للحلاوة وأنها ماشاء الله ما تكتفي قد ما يعطوها الله يسامح جدها و جدتها هم اللي علموها و أنا حاولت أبين لهم انها مو كويسة كثرتها عليها و أسنانها راح تنعدم بس برضو يقولو إيوة صحيح و المرة اللي بعدها يعطوها وكان شي :35:ما كان المهم بنتي صارت كل ما رحنا مكان سوق مستشفى أي محل تشوف حرمة معها شنطة تطلب منها و أنا خلااااااااااااص أنحرج من احساسي بأنها تتلصق في الناس بشكل محرج و تطلب و تلح عليهم و كل همها هو الحلاوة لو كانت رافضة أي شي بشدة وهي أصلا عنيدة بس أي أحد يقولها حلاوة تبيع أمها على شانها أدري هي صغيرة بس أخاف أحد يغريها بيها لعمل أي شي سيئ وغير كذه هي ما ترضى تفرش أسنانها إلا بالمضااااااااربة كل يوم نفس الموال حاولت بكل الطرق أقنعها ماني عارفة ليش ترفض و آخر شي تفرش بالبكاء و حكاية الحلاوة حاولت برضو اني أعاقبها أزعل منها أضربها خفيف أفهمها انو عيب تطلب من الناس لأنها تطلب بشكل كأنها مررررررررررة محرووووووومة مسكينة ما نعطيها:mad: بس والله ما أحرمها مرة ولا أعطيها كثير عشان انا عارفة أضرارها بس والله مررررة تعبتني و أحرجتني بطريقتها المملة للناس و انها تتعلم على أسلوب الشحاذة كذة وبختها و ما نفع مع انها حفظت كلامي من كثر ما أردده و صارت لمن تلعب تردده يعني هي فاهمة انا وش بأقول بس ما أدري ليش ما تبطل أسلوبها المستفز لي و للناس لدرجة أنها صارت مشهورة بالشي هذا عقاب ما نفع ترغيب ما نفع اش أسوييييييييييي:44: دلوني تعبت والله و تعبت أبوها و أهم شي في الدنيا عندها الحلاوة وهي ماشاء الله ذكية لكنها لحوحة بشكل فظييييييع و مو كل مرة تطلب أعطيها بس المشكلة بره البيت ما تسمع كلامي و تطنشني كأن التربية اللي في البيت كلها طااااااارت آآآآآآآآآآه دلووني معليش سامحوني طولت بس المشكلة كبرت و الوضع ما عاد ينطاق خصوصا مع رفضها للتفريش و مشكورين للمتابعة