بنتي فقعت مرارتي تكفون افزعوا لي

انا عندي بنت عمرها11 شهر ماتحب الاكل
اذا جيت اْكلها تبكي وتسكر فمها بقوه وتطلع الاْكل من فمها
وترفع ضغطي يعني اخذ ساعه معها علشان تاكل الوجبه
وفي الاخر ماتكملها مع اني بديت اعطيها وجبات من عمرها 4 شهور
ومع هذا ماحبت الاْكل
ماخليت طريقه الاوجربتها معها ومع هذا مانفع
اعطيتها روب تقبلته تقريبا يعني اهون شي عندها
تكره شوربة الخضار والبطاطس المسلوق
لايمكن تشرب عصير البرتقال او منقوع التمر او الحلبه يعني احط لها بالرضاعه مقاس 120 وفي الاخر ماتشربها
اخذت لها كرسي الطعام علشان اعودها تحترم الوجبه وبصراحه ماطلعت بنتيجه صرت اعطيها برتقال مقطعه ابغاها بس تمصها يمكن تحب الاكل وفي الاخر تمسح البرتقاله عالطاوله وتلعب بها
اعطيها بسكوت القمح وبرضو تاخذ قطعه وترمي الباقي
صرت احرمها من رضاعة الحليب علشان تجوع وتاكل لكن برضو مافي فايده
تكفون اللي عندها خبره تقول وش اسوي معها وهل فيه فيتامينات تناسب لهم بها العمر