بنتي فيها تحت الحفاض مثل الحبوب الصغير بس بمكان واحد

اختي يمكن انتي تسكرين الحفاظ على بنتك مرة

شوفي اختي فيه علاجات مرةحلوة للطفلاذا خاصةجاه التهاب في هالمنطقة


اذا تعرفين الخوا جوا هذا ممتاز للمعالجه الحبوب والالتهابات ادهني بنتك به واذا ماتعرفين طريقته اقولك عليها


وفيه بعد النشا ممتاز مرة لما تحطينه يشيلك كل الالتهابت والاحمرار



اتمنى اني افدتك

وبعد كريم سودو يبتاع في الجمعيات اوالصيدليات بعد وايد زين انا استعمله حق ولدي وجايب نتيجة جيدة

أنا صار مع بنتي وأستخدمت كنكوم مرهم أصفر فعال وسريع العلاج بس يستخدم مره باليوم
أنت حطيلها قبل النوم
وأن شاء الله ماتشوف شر

انا مرة حطيت على ابني زيت على بطنه والمنطقة الي تحت ، وبعدين صار بطنه كله حبوب ، ليش لان الزيت طلع منتهي تاريخه ، وبعدين جربت اشياء كثيرة بس الي حسيت انه نفع اكثر هي البودرة .

حيث كنت اضع البودرة بشكل كثيف على بطنه لين ما جفت الحبوب وبعدين صار لونها غامق وبعد يومين اختفت الحبوب.

ولو تخلين المنطقة اطول فترة تتهوى يكون احسن وقبل ما تغلقين الحفاظ حطي البودرة .

انا استخدمت بودرة جونسن .

وانا حبيت بس اعرض تجربتي بس ما اعرف اذا ينفع ها الشي مع بنتك او لا .

مشكورات خواتي عالردود.. ويزاكم الله ألف خير..

يالله ياختي ياطوارئ شو تنتظرين خبرينا عالعلاجات وخاصة النشا لأنه متوفر دايما.. والله يعطيج العافية..

هلا أختي أم خلفان.. مشكورة الغالية عالاضافة والله يخليلج ولدج ان شالله..

مشكورة الغالية أم تيماء على مرورج وهالكريم سامعة عنه بس ماستخدمته أبدا.. وان شالله بشتريه باجر.. والله يخليلج بنوتج ان شالله..

هلا أختي عاشقة القمر.. مشكورة عالرد وعالاضافة.. صح البودرة تجفف بس مادري والله بينفع وياها والا لا.. بنجرب.. والله يخليلج ولدج ان شالله..