بنتي فيها تكسر دم..مدري وش هو ووش يعني!!!!

صباح الخير...

آنا توني طالعه من النفاس جبت بنت قعدت بالعنايه حول الشهر ولدتها على الاسبوع ال٣٧ بس يعاملونها كآنها خديجه لآن وزنها قليل لما ولدتها كان وزنها ٢،١٠٠

المشكله مو في الوزن المشكله جت ومعها اصفار وصل لل٤٠٠ ومعها تكسر في الدم بسبب الآجسام المضاده مع ان فصيلة دمي موجبه وفصيلة دم آبوها موجبه آيضا..مآدري كيف جتها الآجسام المضاده..وعطوها نقل دم ٣ مرات الى الآن..ويسوون لها تحليل مرتين بالاسبوع بس آخر زياره دخلونا على دكتوره جديده فكتبت التحليل الجاي يكون بعد شهر..تقول لازم نعطي الدم فرصه يحسن نفسه مع العلم انه واصل ل٨....

آنا مني مستوعبه المرض هذا ومني فاهمته هل هو مرض مزمن حيضل لطول العمر آو هل ممكن يتحول مستقبلا الى آنيميا منجليه ...ودي آفهم المرض هذا وآعرف طبيعته وتجارب الناس ومستقبلا ايش ممكن يصير..وايش علاجه..وهل فيه جهه عندنا بالرياض متخصصه بهالآمراض..آو دكتور معين آتابع بنتي عنده...لآن ماعندي ثقه بالدكاتره اللي يتابعون حالة بنتي لآن كل واحد عنده راي غير الثاني..
واليوم شفت شوية دم بالبراز حقها معه شوية مخاااط..صراحه خفت مدري وش يدل عليه والمشكله ان الموعد حقها بعد شهر..مدري وش آسوي..

آنتظر ردودكم وتجاربكم ووصاياكم الله يعافي كل مريض يارب...