بنتي فيها عضيم ولا نزله معويه ؟؟؟؟

حطي على راسها محلب معجون بشوية مويه وافركي لثتها به كمان احتمال تكون مسننه
وسوي لها كمادات مويه وخل وافركي جبينها واباطها بليمون
والله يشفيها ويخليها لك

والله يختى فايروس منتشر اعوذ بالله المستشفيات مليانة كل جماعتنا جاهم واحنا جانا الله لا يوريك نفس الاعراض حرارة وترجيع وسهال مغذيات وحالة بس عدت احس اليوم خفينا شوى

انتي استمري على علاح دكتور واحد لا تغيري كل شوي الدكتور هذا اكبر غلط بعدين اذا تعبت راجعي نفس الدكتور


ومااتوقع انه عضيم لانه اللي اعرفه العضيم مافيه حراره على ما اعتقد

بنتك مافيها لاعظيم ولا ذي اعراض تسنين
اني بس عطيها من المحلول وعطيها سوائل مثل ليمون بشاهي ومثل سفن اب اوتيم ولاتعطينها حليب لانه يزيد الاسهال الااذا كنتي ترضعينها من صدرك فيمكن ان انتي ترضعينها مع ان بعض الدكاتره ينصح في مثل هالحاله بتوقيف حتى الرضاعه من الصدر لمدة اربع وعشرين ساعه
والله لو ماعليها حراره كان اقولك دهنيها بشوي زيت زيتون لانها يمكن تكون ماخذه لفحة برد من مكيف بس دام عليها حراره لاتدهنيها بس لاتغفلين عنها عطيها سوائل واهم شيء شربيها مويه باستمرار لان اللي عنده نزله يعطش بسرعه
وان شاء الله ماعليها الا العافيه

ماتشوف شر باذن الله
اختي انا صار لبنتي مثل بنتك والحمد لله تحسنت بس بعد اسبوع وبنتي اسوء من بنتك شوي كانت ماتطيق شي اسمه حليب تخيلي كنت حايس اخاف يطول معها واهي توها صغيره وتحتاج الحليب
وزياده على كذا كانت مثل الجمره من الحراره واذا قستها يطلع مافي حراره واقول للدكتور يقول لا مانعترف الا بالقياس وحرارتها بمقياس الحراره 37 م تخيلي كنت احس اني مجنونه البنت حاره ناره ويقول مافيها حراره
بس اهم شي يعطونك المحلول داومي عليه واذا كانت تبي المويه خليها تشرب انا كنت احطه بالرضاعه وكل ماشفتها تحوس اعطيها احيانا تشرب واحيانا لا
والاكل مااكثر عليها واعطيها عصيرات مخففه وكانت بنتي ماتحب الاالموز كنت اقسمها نصين واعطيها على شكل وجيتين بفصل بينهك زبادي وسيرلاك
والحمد لله عافها ربي بعد اسبوع بالضبط
وانتبهي اختي تعطينها مشروبات غازيه ومثل ماقالو لك البنات لاتغيري الدكاتره خليك على واحد
واذا تبين انا ممكن ادلك على اطباء في عيادات خاصة اذا كنتي من شمال الرياض ( ذكريني برساله خاصة لاني اخاف انسى امر الموضوع مره ثانية ) ولاتنسين اقري عليها وتصدقي وماقدمها الا العافيه