بنتي في التمهيدي وفيها قمل اهئ اهئ

السلام عليكم ورحمة الله



مساء الانوار حبيباتي وبدون مالف وادور بدش بالموضوع علطول ....

مشكلتي هي بنتي والقمل واعاني من هذي المشكله تقريبا من شهرين اول ماجاها كنت اظنه من احد من الجيران او الاقارب بحكم اختلاطنا فيهم ونسيت المدرسه ولافكرت فيها المهم رحت الصيدليه وشريت شامبو للقمل واستخدمته كم مره وصرت امشط شعرها بالمشط اللي يجي مع الشامبو والحمد لله تجاوزنا المشكله لكن بعد اسبوعين رجع وبشكل فضيع وارد مره ثانيه في استخدام الشامبو ثلاث ايام متواصلة وبعدين مره في الاسبوع للوقايه يعني ماقطعت الشامبو كنت استخدمه مره في الاسبوع ..بداية المشكله وبعد ماعرفت انها من المدرسه {تمهيدي} كلمت الادارة وقلتلهم وقالتلي المديرة ان شاء الله ابناقش الموضوع مع المعلمه وماخبرتها باسم بنتي ووعدتني انها بتوزع اوراق تنبيه للامهات جلست شهرين انتظر هالاوراق لكن للاسف ماجاني شي الموضوع زاد عن حده وانا حامت كبدي اللهم لك الحمد وبنتي كرهت التروش وكرهت تمشيط الشعر وربي جاها عقدة لما تشوفني ماسكة المشط ... هالاسبوع قلت ابكلم معلمتها وبناقش الوضع معها وبشوف هي عندها
خبر والا لا .. تخيلو يوم كلمتها قالت فصلي مليان وانا اعرف البنات اللي مصابات وعددهم اربع واحاول اتحاشاهم لكن مابيدي حل المديره رافضه اكلمهم عشان مايجيهم ردة فعل

الله يعافيكم عطوني حل اي شيئ عطوني شيء يخلي القمل مايقرب من بنتي غير الشامبو مال القمل لانه وقتي ولاييزيله مادام العدوى موجودة بالفصل

طبعا فكرت اني انقلها فصل ثاني ويوم كلمت اداريه قالت العدوى موجودة بالمدرسه كامله حتى ولدها انعدى من الحضانه اللهم لاشماته

اليوم طرى لي طاري اني افصلها لكن رحمتها باقي على حفلتها اسبوعين ومشاركة ومفصلة لبس للحفله وماودي احرمها

الله يعافيكم عطوني حل