بنتي في الروضه

قالت لازم تعلميها تشتغل معك وارسليها بكره راح تتبهذل في الابتدائي انا مرره شايله همها ابوها مخربها اقوله خلني اعلمها لنفسها يجبرني مثلا اعطيها الشي الي تبغاه زي اليوم تبغا معجون الأسنان حقها تلعب فيه قلت هي ماتغسل لا تلعب فيه قال شيليه منها يوم شلته بكت عنده وراح طلعه لها واعطاها قهرني مرره يوم اتكلم معه يقول لاتزعجيني الام هي الي تربي اقوله طيب لاتدخل او قول لها اسمعي كلام ماما ماهو عاجبه كلامي ابدا حتئ يطردني من غرفة النوم يقول روحي معاها لاتخاف بنتي ماشيه في الخمس سنوات انا تعبانه حمل نهايته ومضغوطه وهو خربها بدلع سؤالي علموني بنقاط وش اسوي معاها عشان تعتمد علئ نفسها في لبس يوم تبغا شي لو هو في البيت وتعرف مكانه مالها قدره تجيبه او انتي ماما جيبي عمرها 4سنوات و4شهور

عوديها تلبس من نفسها وتساعد ك كل شي قولي يلا ساعديني حتتغير

حاولي معاها بالتشجيع تسوي شغلات لنفسها قولي لها مين الحلوة إلى صارت كبيرة وتعرف تلبس أو مثلا يلا نتسابق انا وانتي نجيب الشغلة هذي الله يهديهم الأطفال يبغالهم تسلييك طول اليوم وصبر وزوجك لا يعاندك قدامها عشان ماتستقوى البنت عليك كل ماكبرت إذا قلتي شئ يوقف معاك حتى لو بكيت وزعلت إذا شافتكم متفقين بتمشي زي الالف انتي تشتكي من بنتك ماتنفع نفسها وانا أولادي يبغو يسوو كل شئ بنفسهم حتى لو فيه ضرر😂الله المستعان الله يهديهم ويصلحهم

مدللينها كلكم... عادي لو بكي الطفل بكره يتعلم طلبتي منها تسوي شي مارضيت بكت خليها تتعلم تسويه خليها تتعلم تلبس نفسها شجعيها انتي شاطره لا انتي تعرفي خليها تثق بنفسها انها تقدر تسوي.. مو كل شي ماما.. اعطيها ثقها بنفسها وشجعيها اذا سوت شي.. وحمليها شوي مسوليه لو كبت العصير اعطيها مثلا مناديل تمسحها تعتمد شوي علي نفسها تتحمل مسوليه خطاها..
بالتوفيق..

انا تمام معاها ومعلي منها لبكت بس ابوها هو السبب علمن انه زمان ربئ عيال خواته والحين ماشين عدل انا تعبانة منها وابكي