السلام عليكم ورحمة الله وبركاته
فعلا زي ماانا كاتبه بالموضوع بنتي كانت بتروح مني الحمد الله ان ربي نجاها لي
كنت رايحه ازور اختي وهي ساكنه تحت وجالسنين نضحك ونسولف ماقولكم نسيتها لاوالله كل شوي ادورها هي وين بس اختي دوبها والده وقالتلي انتبهي لولدي بروح الحمام
وعشان كذا انشغلت عنها شوي بس
وخرجت مع الباب
الباب كان مفتوح ومادريت عنها آآآآآآه يوم اتذكر حالتي يوم شفت الباب مفتوح وهي مالها حس
على فكره هي عمرها 3سنوات المفروض انها تفهم لكن معاها توحد الله يشفيها يارب
ماتتكلم تطلع اصوات فقط غير مفهومه ماتعرفني وماتعرف اسمها ماتعرف شي كانها طفل رضيع دوبه مولود لوانها ماتمشي كان ماتحسين بوجودها الحمدالله على كل حااال طبعا هي احيانا تتحسن واحيانا تنتكس
المهم
وتبدا حالة الاستنفار في البيت والكل يجري ويدور في الحوش حول البيت مالها اثر
وانا كان قلبي مقبوض قسما بالله قبل مااخرج من البيت وتذكرت احساسي هذا لما كنت ادور بنتي وقلت ياليتني ماخرجت
وانا قاعده افكر كيف بقول لابوها يحبها يموت فيها ودايم يحس انه مقصر معاها لانه مايعرف يلعبها وهي ماتلعب اصلا
واقول لابنلقاها ان شاء الله وكل ماجا واحد من الي كانوا يدورونها وهي ماهي معه احس اني بطير ورب الكعبه احس اني ارتجف وبس امشي رايحه جايه ولو بوقف مكاني راح اطيح رجولي ماراح تشيلني
وفي الاخير كانت طالعه للملحق تخيلوا يعني الدور الثالث والي ساكن فيهرجال عزوبي وجايب امه عنده كبيره في السن
المشكله ان عندها ضعف عام كيف قدرت تطلع الدرج ماادري وحتى مشيها للحين موطبيعي كأنها طفل دوبه يتعلم المشي
الحمدالله الحمدالله يارب لك الحمد
صابتني حالة بكاء موطبيعي والله ماحضنتها مدري ليش اصلا عظامي كلها تالمني بعدين لما هديت حضنتها
وحمدت ربي انها رجعتلي ودعيت ربي يشفيها وحسيت ان ربي ردها لي لاني امس تصدقت 3مرات وفي كل مره كنت انوي انها لها وحتى اخر واحد اعطيته قلتله ادعي لبنتي ان الله يشفيها
وتذكرت ام ابتهال والله العظيم انها لحظات بس حسيت عقلي بيطير كيف هي 6 سنوات الله يعينها ويرجعها لهم يارب
تكفون ادعولي ان الله يشفيها
يارب تشفيها شفاء لايغادر سقما
ام عبدالحكيم *** @am_aabdalhkym_3
محررة برونزية
يلزم عليك تسجيل الدخول أولًا لكتابة تعليق.
شطر الحسن
•
الحمدلله على سلامتها والله يشفيها
الصفحة الأخيرة