بنتي كبرت وابي نصايحكم

افا والله محد رد علي

هلا حبيبتي الله يخليها لك ويفرحك فيها

والله ياقلبي ماعندي خلفيه بس انا اقول خليها تحرص على نظافتها وتنتبه لنا انها دوم لازم تغير

بس انتي لاتحسسينها انها غير عن صديقاتها اللي مابعد يبلغون ولتضغطين عليها باشياء مثلا تقولين لها انت كبيره وانت كبيره توها صغيره خليها تعيش طفولتها اما الحلق ماالحلق انت شوفي اذا فيها شعر كثير اولا في بنات ياحبايبي يبلغون ومافيهم شعر بس صدر لهم فانتي شوفي

هلااا فيج حبيبتي والله يبارك لج فيها وتبلغين فرحها يااااارب
شوفي حبيبتي حجم البنت او فطانتها ماله علاقه بالبلوغ ابدا.. الوراثه لها دور كبير يعني انتي متى بلغتي او عماتها او خالاتها
انتي اللي عليج الحين انج تشرحين لها ايش تعني الدوره الشهريه ..ادخلي معها الحمام كرمج الله وعلميها شلون تستخدم الفوطه بالطريقه الصحيحه بحيث ان مايبن شي على ملابسها ويحرجها...علميها تغير الملابس الداخليه لو كان فيها شي من دم الحيض حتى ماتطلع لها ريحه كريهه... مساْلة الحلق هذي بدري عليها .. خليها شوي لان الشعر في اول مراحل البلوغ يكون خفيف.. بعدين حتى ما تاْذي نفسها.... عطيها المشروبات الدافيه وقت الدوره ولا تحسسينها انها خلاااااااااص كبرت وصارت حرمه كبيره او غير عن البنات اللي في سنها.. لاتغيرين معاملتج لها ابد لانها مازالت طفله ومحتاجه لتوجيهج وحنانج مهما حسيتي ان عقلها او جسمها كبييير ..يظل في داخلها طفله صغيره

ياقلبي


عورتي قلبي بكرة بنت تكبر شلون راح اعاملها



صدق ان قلب الام مايستحمل هدة الاشياء



بس اهم شي عامليها بحنا ولطف